म्याड्रिड, 12 मार्च (हि.स.)। यूईएफए च्याम्पियन्स लिग 2025-26 को राउन्ड अफ 16 को पहिलो खेलमा रियल म्याड्रिडले म्यानचेस्टर सिटीलाई 3-0 ले हराउँदै क्वार्टरफाइनलतर्फ बलियो कदम बढाएको छ। सान्टियागो बर्नाबेउ स्टेडियममा खेलिएको उक्त खेलमा उरुग्वेका मिडफिल्डर फेडेरिको वाल्वर्डेले आफ्नो करियरको पहिलो ह्याट्रिक गर्दै टोलीको जितमा महत्वपूर्ण भूमिका खेले।

पहिलो हाफमै रियल म्याड्रिडको अग्रता

खेलको 20औँ मिनेटमा गोलकिपर थिबो कोर्टुवाको लामो पासमा वाल्वर्डेको दायाँपट्टि तीव्र गतिमा अगाडि बढ्दै गोलकिपर जियानलुइजी डोनारुम्मालाई छक्याएर बललाई गोलपोस्टमा पुर्याए।

सात मिनेटपछि विनीसियस जुनियरको उत्कृष्ट पासमा वाल्वर्डेले अफसाइड ट्र्याप तोड्दै दोस्रो गोल गरे। यससँगै रियल म्याड्रिडले खेलमाथि आफ्नो पकड अझ बलियो बनायो।

पहिलो हाफको 42औँ मिनेटमा रियल म्याड्रिडले तेस्रो गोल गर्यो। ब्राहिम डियाजको उत्कृष्ट पासमा वाल्वर्डेले बललाई अगाडि उछाल्दै शानदार भली प्रहार गरे र आफ्नो ह्याट्रिक पूरा गरे। यो गोलसँगै स्टेडियममा उपस्थित दर्शकहरू खुशीले झुमे।

दोस्रो हाफमा म्यानचेस्टर सिटीको प्रयास

दोस्रो हाफमा म्यानचेस्टर सिटीले खेलमा फर्कने प्रयास गर्यो। जेरमी डोकु र एन्टोइन सेमेन्योले आक्रमण तीव्र बनाए, तर रियल म्याड्रिडका गोलकिपर कोर्टुआले उत्कृष्ट बचाउ गर्दै टोलीको अग्रता कायम राखे।

यस क्रममा रियल म्याड्रिडले अर्को गोल गर्ने मौका पनि पायो, जब विनीसियस जुनियरलाई पेनाल्टी दिइयो। तर डोनारुम्माले उत्कृष्ट बचाउ गर्दै गोल हुनबाट रोके।

दोस्रो चरणमा सिटीसामु ठूलो चुनौती

यस जितसँगै रियल म्याड्रिडले खेलमा बलियो अग्रता बनाएको छ। अब दोस्रो खेल अर्को साता इङ्ग्ल्याण्डमा खेलिनेछ, जहाँ म्यानचेस्टर सिटीले अर्को चरणमा पुग्न ठूलो पुनरागमन गर्नुपर्नेछ।

खेलपछि वाल्वर्डे भने, यो उनको लागि अत्यन्त विशेष दिन थियो र टोलीको जितबाट उनी निकै खुशी छन्।

---------------

हिन्दुस्थान समाचार / भवानी थामी