नयाँ दिल्ली, १८ मार्च (हि.स.)। भारतबाट पश्चिम एसियाका लागि भोलि, १८ मार्चमा कुल ५० वटा उडान सञ्चालन गरिनेछ। एयर इन्डिया र एयर इन्डिया एक्सप्रेसका यी उडानहरूले पश्चिम एसियाका विभिन्न गन्तव्यहरूलाई जोड्नेछन्।
स्रोतहरूका अनुसार, यी उडानहरूमा १४ वटा निर्धारित उडान जेद्दा र १२ वटा उडान मस्कटका लागि प्रस्थान गर्नेछन्। निर्धारित उडानहरू दिल्ली, मुम्बई, बेङ्गलुरु, हैदराबाद, मङ्गलोर, कोझिकोड, कन्नूर, कोच्चि, लखनऊ र तिरुवनन्तपुरम जस्ता प्रमुख शहरहरूबाट सञ्चालन गरिनेछ।
यसका अतिरिक्त, २४ वटा गैर-निर्धारित (नन-शेड्युल्ड) उडानहरू यूएई र साउदी अरबका लागि सञ्चालन गरिनेछ। यी उडानहरूको उद्देश्य विशेष गरी ती यात्रुहरू र भारतीय नागरिकहरूलाई सेवा दिनु हो, जो हालको तनाउपूर्ण अवस्थाका बावजुद पनि आफ्नो गन्तव्यमा सुरक्षित रूपमा पुग्न चाहन्छन्।
एयरलाइन्सहरूले यात्रुहरूलाई समयमै विमानस्थलमा पुग्न र सबै सुरक्षा नियमहरूको पालना गर्न आग्रह गरेका छन्। अधिकारीहरूका अनुसार, यस्ता अतिरिक्त उडानहरूले मध्य पूर्वमा फसेका भारतीय नागरिकहरूको आवतजावतलाई सहज बनाउनेछ।
विशेष रूपमा हालका अन्तरराष्ट्रिय तनाउ र मध्य पूर्वको सुरक्षा अवस्थालाई ध्यानमा राख्दै यो कदम भारतीय नागरिक र व्यावसायिक यात्रुहरूको सुविधा तथा सुरक्षालाई ध्यानमा राखेर उठाइचएको हो।
---------------
हिन्दुस्थान समाचार / भवानी थामी
