काठमाडौं, १८ मार्च (हि.स.)। नेपालकी अन्तरिम प्रधानमन्त्री सुशीला कार्कीले आज बिहान आफ्ना मन्त्रिमण्डलका सहयोगीहरूसँग पशुपतिनाथ मन्दिरमा दर्शन गरी रुद्राभिषेक गरिन्। प्रधानमन्त्री कार्कीले भनिन्, हालै सम्पन्न चुनाउ शान्तिपूर्ण रूपमा सम्पन्न भएपछि उनले आफ्ना आराध्यदेव पशुपतिनाथलाई धन्यवाद स्वरूप यो पूजा अर्पण गरेकी छन्। यो जानकारी प्रधानमन्त्रीको सचिवालयले दिएको छ।

सचिवालयका अनुसार, कार्कीले देशलाई शान्ति र स्थिरताको मार्गमा अगाडि बढाउन सबै पक्षबाट प्राप्त सहयोगका लागि कृतज्ञता व्यक्त गरिन्। साथै, उनले आगामी दिनहरूमा देश थप प्रगतिको दिशामा अगाडि बढोस् भनी कामना गरिन्। कार्कीले देशभरका नेपाली नागरिकहरूबीच एकता, सद्भाव र आत्मीयताको भावना थप मजबुत हुन आह्वान गरिन्।

पूजा कार्यक्रममा उनका मन्त्रिमण्डलका धेरै मन्त्रीहरू तथा उच्च पदस्थ सरकारी अधिकारीहरू पनि उपस्थित थिए। पशुपति क्षेत्र विकास कोषका सदस्य सचिव प्रकाशमणि शर्मा तथा कार्यकारी निर्देशक सुवास जोशी सहित अन्य अधिकारीहरू पनि उपस्थित थिए।

---------------

हिन्दुस्थान समाचार / भवानी थामी