नयाँ दिल्ली, 19 मार्च (हि.स.)। राष्ट्रपति द्रौपदी मुर्मु, उपराष्ट्रपति सीपी राधाकृष्णन र गृहमन्त्री अमित शाह सहित धेरै नेताहरूले बिहिवार चैत्र नवरात्रि, नव संवत्सर, गुड़ी पड़वामा देशवासीहरूलाई बधाई एवं शुभकामना दिएका छन्।

राष्ट्रपतिले एक्समा आफ्नो सन्देशमा भनेकी छन्, चैत्र शुक्लादि, उगादी, गुढ़ी पड़वा, चेती- चन्द, नवरेह र साजिबु-चेरोबाको शुभ अवसरमा म मेरा सबै नागरिकहरूलाई हार्दिक शुभकामना व्यक्त गर्छु। नयाँ वर्षलाई स्वागत गर्न देशका विभिन्न भागहरूमा मनाइने यी चाड़पर्वहरू भारतको समृद्ध सांस्कृतिक विविधताको हर्षोल्लासपूर्ण प्रतीक हुन्। म कामना गर्छु कि यी हर्षोल्लासपूर्ण चाड़पर्वहरूले सबैको जीवनमा समृद्धि र नयाँ आशाको संचार गरोस्।

उपराष्ट्रपतिले भने, देशका विभिन्न भागहरूमा मनाइने यी चाड़पर्वहरू परम्परागत नयाँ वर्षको शुरूआतका प्रतीक हुन्, जसले भारतको समृद्ध सांस्कृतिक सम्पदा र विविधतामा एकतालाई प्रतिबिम्बित गर्दछ। यो शुभ अवसरले सबैको जीवनमा खुशी, समृद्धि र नयाँ आशा ल्याओस्।

गृहमन्त्री अमित शाहले भने, म तपाईको सुस्वास्थ्य, समृद्धि र समृद्ध जीवनको लागि देवी भगवतीलाई प्रार्थना गर्दछु। भगवानले यो नयाँ वर्षमा सबैको जीवनमा नयाँ ऊर्जा, नयाँ चेतना र समृद्धि भरिदिऊन्।

केन्द्रिय सड़क यातायात तथा राजमार्ग मन्त्री नितिन गडकरीले भने, देवी दुर्गाको शक्ति र साहस एवं वसन्त ऋतुको शुरूआतको प्रतीक यो शुभ पर्वले सबैमा खुशी, शान्ति र समृद्धि ल्याओस्।

कांग्रेसका राष्ट्रिय अध्यक्ष मल्लिकार्जुन खड्गेले भने, यो पवित्र पर्वले तपाई सबैमा खुशी, शान्ति, समृद्धि र कल्याण लिएर आओस् र आदिशक्तिको आशीर्वाद सधैं तपाईमाथि बनिरहोस्।

लोकसभामा विपक्षी दलका नेता राहुल गान्धीले भने, यो शुभ अवसरले तपाईको जीवनलाई खुशी, समृद्धि र नयाँ शुरूआतले भरोस्।

हिन्दुस्थान समाचार / भवानी थामी