लखनऊ, 04 मार्च (हि.स.)। उत्तर प्रदेशको राजधानी लखनऊको पीजीआई थाना क्षेत्रमा बुधवार होली मनाउने क्रममा एक युवकलाई गोली हानियो। गोली चलाउने व्यक्ति छिमेकी भएको पत्तो लाग्यो, जसलाई पुलिसले हिरासतमा लिएको छ। घाइते युवकलाई उपचारको लागि अस्पताल पठाइएको छ।

थाना प्रभारी धीरेन्द्र सिंहले बताए, घोसियानाको राजीवनगर निवासी अंकित वर्मा अनलाइन डेलिभरीको काम गर्थे। उनी दिउँसो साथीहरूसँग होली खेलिरहेका थिए जब उनका छिमेकी सुमित यादव आए र अंकितमाथि गोली हाने। गोली उनको पेटलाई छोएर निस्क्यो। अन्य युवाहरूले सुमितलाई समातेर पुलिसलाई सुम्पे। घाइते युवकलाई उपचारको लागि निजी अस्पताल पठाइएको छ।

प्रारम्भिक अनुसन्धानले अंकित वर्मालाई पुरानो शत्रुताको कारण गोली हानेको खुलासा गरेको छ। उपचारपछि उनलाई डिस्चार्ज गरिएको छ। घाइते व्यक्ति हाल सामान्य अवस्थामा र खतरामुक्त छन्। परिवारको उजुरीको आधारमा पुलिसले मुद्दाको अनुसन्धान गरिरहेको छ।

हिन्दुस्थान समाचार / भवानी थामी