हरिद्वार, 08 मार्च (हि.स.)। रुड़कीको गंगानहर थानाबाट पुलिसले छापा मारेर गाई काट्ने दुई जनालाई पक्राउ गरेको छ। पुलिसले लगभग 110 किलो गाईको मासु र वधमा प्रयोग हुने उपकरण पनि जफत गरेको छ।

वरिष्ठ पुलिस अधीक्षकको निर्देशमा प्रभारी निरीक्षक कोतवाली गंगनहरको नेतृत्वमा गौवधलाई रोक्न एक पुलिस टीम गठन गरिएको थियो। माधोपुर हलका सलियार क्षेत्रको एक घरभित्र गाई काट्ने काम भइरहेको सूचना पुलिस टोलीलाई प्राप्त भएको थियो। सूचनाको आधारमा पुलिसले 08 मार्चमा घटनास्थलमा छापा माऱ्यो। छापा मार्ने क्रममा घरभित्र गाई काट्दै गरेका दुई जनालाई पक्राउ गरियो। पुलिसले घटनास्थलबाट लगभग 110 किलो गाईको मासु र गाई काट्न प्रयोग हुने उपकरण जफत गऱ्यो।

पुलिस अनुसार, पक्रा परेका अभियुक्तहरूको पहिचान रुड़कीको माधोपुर गाउँ निवासी तौफिकको छोरा सलमान र रुड़कीको माधोपुर गाउँ निवासी काला उर्फ कय्युमको छोरा शहबानको रूपमा गरिएको छ। उनीहरू दुवै विरुद्ध गंगानहर थानामा गाई संरक्षण अधिनियम अन्तर्गत मुद्दा दर्ता गरिएको छ। पुलिस अधिकारीहरूले गौ हत्या र पशु तस्करीमा संलग्न व्यक्तिहरू विरुद्ध अभियान जारी रहने र कुनै पनि अभियुक्तलाई नछोड्ने बताएका छन्।

हिन्दुस्थान समाचार / भवानी थामी