गान्तोक, 14 अप्रेल (हि.स.)। सिक्किम विधानसभा परिसरमा आज डा. भीमराव अम्बेडकरको 135औं जयन्ती आयोजन गरियो। कार्यक्रममा राज्यपाल ओमप्रकाश माथुर मुख्य अतिथि तथा मुख्यमन्त्री प्रेमसिंह तामाङ विशिष्ट अतिथिका रूपमा सहभागी बने।

कार्यक्रमको शुरुवात शहरी विकास विभागको सहयोगमा कोटक महिन्द्रा ब्याङ्कको सीएसआर पहल अन्तर्गत दुईवटा एडभान्स्ड लाइफ सेविङ मेशीनले सुसज्जित आधुनिक एम्बुलेन्स उद्घाटन गरियो। यो एम्बुलेन्स एसटीएनएम अस्पताललाई समर्पित गरियो, जसलाई राज्यका स्वास्थ्य सेवाहरूलाई अझ दह्रिलो बनाउने दिशामा एक महत्वपूर्ण पहल मानिएको छ।

यसैगरी, कोटक महिन्द्रा ब्याङ्कले आफ्नो सीएसआर पहल अन्तर्गत पॉंचवटा सरकारी विद्यालयहरूको समग्र विकासमा सहयोगको प्रस्ताव राख्यो। यसमा दुईवटा विद्यालयलाई राज्यपाल स्वयंले काख लिएका छन्।

यसपछि, राज्यपालसहित उपस्थित सबै अतिथिहरूले डा. भीमराव अम्बेडकरको प्रतिमामा पुष्प अर्पित गरी श्रद्धाञ्जलि दिए।

कार्यक्रमलाई सम्बोधन गर्दै राज्यपाल माथुरले भने, डा. अम्बेडकरले सबैलाई समान अवसर प्राप्त हुने समाजको सपना देखेका छन्। शिक्षा, स्वास्थ्य र सामाजिक सद्भावको क्षेत्रमा गरिएका यी प्रयासहरूले हामी त्यस दिशामा अगाडि बढिरहेका छौ। हामी सबै मिलेर काम गर्नुपर्छ ताकि कुनै पनि वर्ग प​छाडि नपरोस्।

राज्यपालले अझ भने, बाबा साहेबको विरासतलाई सॉंचो श्रद्धाञ्जलि तब मात्र हुनेछ, जब हामी निष्पक्षता, विविधताको सम्मान र समाजको सेवाप्रति प्रतिबद्ध रहने छौं। उनले सबैलाई न्याय, समानता र बंधुत्वको भावनालाई बलियो बनाउन संकल्प लिने र संविधानका आदर्शहरूलाई हर भारतीयको जीवनको हिस्सा बनाउन आह्वान गरे।

कार्यक्रममा चार प्रमुख व्यक्तिहरूलाई उनीहरूको उल्लेखनीय योगदानका लागि सम्मानित गरियो। सम्मानित हुने व्यक्तिहरूमा वेस्ट पाण्डमका विधायक मदन एलबी दास, जूम सालघारी क्षेत्रका विधायक मदन सिञ्चुरी, अनुसूचित जातिको सशक्तिकरणमा सहायक राज्यका मुख्य सचिव आर. तेलाङ र अनुसूचित जाति समुदायकी प्रथम महिला पुलिस अधीक्षक पारु रुचाल सामेल छन्। यसरी नै अनुसूचित जातिका 10औं र 12औं श्रेणीमा उत्कृष्ट अङ्क ल्याउने मेधावी विद्यार्थीहरूलाई पनि सम्मानित गरियो।

हिन्दुस्थान समाचार / बिशाल