नयाँ दिल्ली, 25 अप्रेल (हि.स.)। आम आदमी पार्टी (आआप) का राज्यसभा सांसद संजय सिंहले शनिवार भारतीय जनता पार्टी (भाजपा) द्वारा जारी गरिएको अरविन्द केजरीवालको कथित तस्बिरलाई फर्जी र आधारहीन बताएका छन्। उनले केजरीवालको निवाससँग सम्बन्धित भनिएका तस्बिरहरू फर्जी भएको बताए।
संजय सिंहले पार्टी कार्यालयमा आयोजित पत्रकार वार्तामा भाजपाद्वारा जारी गरिएका सबै तस्बिरहरू झूटा भएको र केजरीवालको छवि बिगार्ने उद्देश्यले राखिएको बताए। उनले चेताउनी दिए कि आआपले सरकार वा त्यस्ता तस्बिरहरू प्रसारण गर्ने कुनैपनि टिभी च्यानल विरुद्ध मानहानि मुद्दा दायर गर्नेछ।
सिंहले उपराज्यपाल, मुख्यमन्त्री र मन्त्रीहरूको निवास साथै केजरीवालको घर जनताका लागि खुला गर्न माग गरे ताकि मानिसहरूले आफैले सत्य देख्न सकून् र कसको निवास बढ़ी विलासी छ भनेर फसेला गर्न सकून्।
सिंहले आरोप लगाए, झूटा समाचार फैलाउने भाजपाको पुरानो रणनीति प्रयोग भइरहेको छ। उनले गुजरातमा आआप नेताहरू र उम्मेदवारहरूलाई झूटा मुद्दा दायर गरेको र पार्टीको सामाजिक सञ्जाल पृष्ठहरू निलम्बन गरेको पनि आरोप लगाए। दिल्ली विधानसभामा विपक्षी दलकी नेता आतिशीले भनिन्, जारी गरिएका तस्बिरहरू केजरीवालको घरका होइनन् र पूर्ण रूपमा फर्जी हुन्।
हिन्दुस्थान समाचार / भवानी थामी
