कोलकाता, 25 अप्रेल (हि.स.)। असमका मुख्यमन्त्री हिमन्त विश्व सरमाले पश्चिम बंगाल विधानसभा चुनाउबारे साहसिक दाबी गरेका छन्। उनले भने, पहिलो चरणको मतदानपछि राज्यको माहोल पूर्ण रूपमा भारतीय जनता पार्टी (भाजपा) को पक्षमा देखिन्छ। उनी अनुसार, पार्टीले यस पटक पश्चिम बंगालमा 200 भन्दा बढ़ी सिट जित्नसक्छ।
शनिवार कोलकातामा पत्रकार सम्मेलनको क्रममा हिमंत विश्व सरमाले भने, उनले 2016 र 2019 को चुनाउमा पश्चिम बंगालको भ्रमण गरेका थिए तर यस पटक जनताको समर्थन अभूतपूर्व थियो। पहिले जनताको मनमा हिचकिचाहट र भ्रम थियो तर अब त्यो पूर्ण रूपमा हराएको छ र मतदाताहरूले खुला रूपमा समर्थन गरिरहेका छन्।
उनले दाबी गरे कि पहिलो चरणको मतदानपछि भाजपाले उल्लेखनीय बढ़त हासिल गरेको छ। सरमा अनुसार, पार्टी पहिलो चरणमै लगभग 110 सिट जित्ने स्थितिमा छ। उनले भने, यदि पश्चिम बंगालमा भाजपाले 200 सिटको सङ्ख्या पार गर्छ भने कसैले पनि अचम्म मान्नु पर्दैन।
मुख्यमन्त्रीले असममा पनि ठूलो विश्वास व्यक्त गरे। उनले भने, यस पटक भाजपाले असममा 100 सिटको सङ्ख्या पार गर्नेछ र राज्यमा फेरि एक पटक बलियो सरकार बनाउनेछ।
हिन्दुस्थान समाचार / भवानी थामी
