जबलपुर, 01 मई (हि.स.)। बिहिवार साँझ मध्य प्रदेशको जबलपुरमा नर्मदा नदीमा बनेको बरगी बाँधमा आएको भीषण आँधीका कारण पर्यटक सवार पर्यटन विभागको क्रूज जहाज डुबेपछि शुक्रवार बिहानसम्म नौ जनाको शव फेला परेको छ र 24 जनाको उद्धार गरिएको छ। प्रशासन अनुसार, नौ जनाभन्दा बढ़ी अझै बेपत्ता छन् र खोजी कार्य जारी छ।

बरगी बाँध दुर्घटनाको समयमा क्रूज जहाजमा 40-45 जना पर्यटक थिए। दुर्घटना किनारबाट लगभग 300 मिटर टाढ़ा भयो। बरगी शहरका सीएसपी अन्जुल मिश्राले प्रारम्भिक खोज तथा उद्धार कार्यको क्रममा एसडीआरएफले धेरैलाई उद्धार गरेको बताए तर अँध्यारो र खराब मौसमले उद्धार कार्यमा बाधा पुर्या यो। शुक्रवार बिहान उद्धार कार्य पुनः शुरू गरिएको छ।

उनले थप भने, स्थानीय प्रशासनसँगै राष्ट्रिय स्तरका टोलीहरू तैनाथ गरिएको छ। भारतीय सेना पनि राहत तथा उद्धार कार्यमा संलग्न छ। हैदराबादबाट एउटा विशेष टोली र हेलिकप्टर आइपुग्ने तयारीमा छन्। कोलकाताबाट एउटा विशेष अर्धसैनिक टोली जबलपुर आइपुगेको छ। 20 फिट पानीमा फसेको क्रूज जहाजलाई हाइड्रोलिक मेसिन र पोक्लेन प्रयोग गरेर बाहिर निकाल्ने प्रयास भइरहेको छ।

ज्ञात होस्, गर्मीको मौसममा मानिसहरू साँझ बरगी बाँधको भ्रमण गर्छन्। बिहिवार साँझ अचानक मौसम बिग्रियो र ठूलो आँधी आयो। यस समयमा पर्यटकहरूले भरिएको क्रूज जहाजले खमरिया टापु नजिकै सन्तुलन गुमायो र डुब्यो। क्रूज पाइलट महेशले भने, सुरक्षा व्यवस्था गरिएको थियो तर अचानक आएको शक्तिशाली आँधीका कारण क्रूज जहाज नियन्त्रण बाहिर गयो। कसैले पनि सम्हालिने कुनै मौका पाएन। महेशसँग 10 वर्षको अनुभव छ।

यो खबर लेखिञ्जेलसम्म नौ जनाको शव भेटाइएको छ, जुन प्रशासनले पुष्टि गरेको छ। मृतकमध्ये अहिलेसम्म आठ जनाको पहिचान भइसकेको छ। यसमा जबलपुरको कोतवाली निवासी नीतु सोनी (43), तमिलनाडुको पश्चिम तारापुरमको अन्ना नगर निवासी सौभाग्यम अलागन (42) सामेल छन्। नयाँ दिल्लीको खजान बस्तीका निवासी मधुर मेस्सी (62); जबलपुरको वेस्ट ल्याण्ड खमारियाका निवासी काकुलाझी (38); प्रदीप मेस्सीकी पत्नी रेश्मा सैयद (66), शमीम नक्वी (66), मरीना मेस्सी (39); र प्रदीप मेस्सीका छोरा त्रिशान मेस्सी (4) सामेल छन्। एउटा शवको पहिचान भइरहेको छ।

हिन्दुस्थान समाचार / भवानी थामी