नयाँ दिल्ली, 01 मई (हि.स.)। प्रधानमन्त्री नरेन्द्र मोदीले आज बुद्ध पूर्णिमाको अवसरमा राष्ट्रलाई शुभकामना दिँदै शान्ति, करुणा र सद्भावनाको मार्ग अनुसरण गर्ने सन्देश दिएका छन्। उनले भगवान गौतम बुद्धको जीवन मूल्यहरूलाई अँगाल्ने आफ्नो संकल्पलाई पुन: पुष्टि गर्न सबैलाई आग्रह गरे।

एक्समा आफ्नो सन्देशमा प्रधानमन्त्रीले भने, सबै देशवासीहरूलाई बुद्ध पूर्णिमाको असीम शुभकामना। शान्ति, करुणा र सद्भावनाको मार्ग अनुसरण गर्न हामीलाई प्रेरित गर्ने यस शुभ अवसरमा भगवान बुद्धको जीवन मूल्यहरूलाई अँगाल्ने हाम्रो संकल्पलाई पुन: पुष्टि गरौं।

उनले यस अवसरमा संस्कृतको एउटा उखान पनि साझा गरे: “नान्तर्बहिश्च लोकेषु त्वात्मानं दृष्टवान् क्वचित्। आष्टाङ्गिकेन मार्गेण परमां शान्तिमाययौ॥” यो उखानको अर्थ हो कि व्यक्तिले बुझ्नुपर्छ कि भित्र वा बाहिर कुनै स्थायी आत्मा वा अस्तित्व छैन। जब कुनै व्यक्तिले भगवान बुद्धको अष्टांगिक मार्ग- सम्यक दृष्टि, सम्यक संकल्प र सम्यक आचरणको अनुसरण गर्छ, ऊ सबै दुःखबाट मुक्त हुन्छ र परम शान्ति प्राप्त गर्दछ। प्रधानमन्त्रीले आशा व्यक्त गरे कि भगवान बुद्धका विचारहरूले समाजमा खुशी र एकताको भावनालाई अझ् बलियो बनाउनेछ।

हिन्दुस्थान समाचार / भवानी थामी