भुवनेश्वर, 26 मई (हि.स.)। भारतको ब्रिक्स अध्यक्षतामा राष्ट्रिय आपदा प्रबन्धन प्राधिकरणद्वारा आयोजित “डिजास्टर रिस्क रिडक्शन वर्किङ ग्रुप” को दोस्रो तकनीकी बैठक जून 3-5, 2026 सम्म ओडिशाको पुरी स्थित ताज पुरी रिसोर्टमा आयोजना हुनेछ। राज्य सरकारका प्रवक्ता अनुसार, ब्रिक्स देशका प्रतिनिधिहरू र आपदा प्रबन्धन विज्ञहरूले यस महत्त्वपूर्ण बैठकमा भाग लिनेछन् र आपदा प्रबन्धन, आपदा प्रतिरोधक क्षमता निर्माण र अन्तरराष्ट्रिय सहयोगसँग सम्बन्धित विभिन्न मुद्दाहरूमा छलफल गर्नेछन्।

सरकारी प्रवक्ताले ब्राजिल, इजिप्ट, इथियोपिया, इन्डोनेशिया, इरान, रूस, साउदी अरेबिया, दक्षिण अफ्रिका, संयुक्त अरब इमिरेट्स (युएई) र चीन लगायत धेरै देशका प्रतिनिधिहरू सम्मेलनमा भाग लिने सम्भावना रहेको बताए। आपदा तयारी र प्रबन्धनको क्षेत्रमा ओडिशाको सक्रिय, प्रभावकारी र बलियो पहलहरूको मध्यनजर यो महत्त्वपूर्ण तकनीकी बैठक आयोजना गर्न राज्यलाई छनोट गरिएको छ। ओडिशाले विशेष गरी यसको चक्रवात प्रबन्धन, समुदायमा आधारित प्रारम्भिक चेताउनी प्रणाली र सफल उद्धार र निकासी रणनीतिहरूको लागि अन्तरराष्ट्रिय प्रशंसा प्राप्त गरेको छ।

उनले भने, यो तकनीकी बैठकले ब्रिक्स देशहरूबीच आपदा प्रबन्धनसित सम्बन्धित ज्ञान र अनुभवहरूको आदानप्र-दानको लागि महत्त्वपूर्ण प्लेटफर्मको रूपमा काम गर्नेछ। नयाँ तकनीकहरू, समन्वित रणनीतिहरू र पारस्परिक सहयोगलाई सुदृढ़ पार्ने बारेमा पनि छलफल गरिनेछ। पुरीमा यो महत्त्वपूर्ण ब्रिक्स तकनीकी सम्मेलन आयोजना गर्नाले विश्वव्यापी प्लेटफर्ममा ओडिशाको उपलब्धिहरू र आपदा प्रबन्धनमा विशेषज्ञतालाई मान्यता दिने मात्र होइन राज्यको अन्तरराष्ट्रिय छविलाई पनि अझ् बलियो बनाउनेछ।

हिन्दुस्थान समाचार / भवानी थामी