नयॉं दिल्ली, 18 जून (हि.स.)। केन्द्रिय अल्पसङ्ख्यक मामिला मन्त्रालयले बिहीबार डा अम्बेडकर अन्तरराष्ट्रिय केन्द्रमा हज 2027 का लागि तयारीबारे समीक्षा बैठक आयोजना गरेको छ। बैठकको अध्यक्षता केन्द्रिय अल्पसङ्ख्यक मामिला मन्त्री किरेन रिजिजुले गरेका थिए।
यस अवसरमा रिजिजुले विगत 12 वर्षमा देशमा अल्पसङ्ख्यक समुदायको जीवनस्तर, गुणस्तर र समग्र अवस्थामा उल्लेखनीय सुधार आएको बताए। भारतले हज र उमराह मन्त्रालय, साउदी अरेबियाबाट हज 2026 का लागि दुईवटा 'लब्बेतुम' पुरस्कार प्राप्त गरेको उनले बताए।
सरकारले चाँडै हज 2027 का लागि नयाँ हज नीति घोषणा गर्ने उनले बताए। मन्त्रीले हज 2027 यस वर्षको हजभन्दा राम्रो हुने कुरामा जोड दिए।
बैठकमा अल्पसङ्ख्यक मामिला मन्त्रालयको सचिव श्रीवत्स कृष्ण, विदेश मन्त्रालयको सचिव (सीपीभी एन्ड ओआईए) श्रीप्रिया रङ्गनाथन, विदेश मन्त्रालयका अतिरिक्त सचिव (खाडी) असीम आर. महाजन लगायत वरिष्ठ अधिकारीहरू उपस्थित थिए। बैठकमा हज 2026 को सफल सञ्चालनको आकलन गरियो र हज 2027 का लागि रोडम्यापमा विस्तृत छलफल गरियो।
हिन्दुस्थान समाचार / बिशाल
