गुवाहाटी, २७ जून (हि.स.)। असममा शनिबार बिहान मध्यम तीव्रताको भूकम्पको धक्का महसुस गरिएको छ। भूकम्प बिहान ४ बजेर ५१ मिनेट १६ सेकेन्डमा गएको थियो।

भारतीय भूकम्प विज्ञान केन्द्रका अनुसार, भूकम्पको तीव्रता रिक्टर स्केलमा ३.४ मापन गरिएको छ। यसको केन्द्र असमको कछार जिल्लामा जमिनको सतहबाट करिब ४२ किलोमिटर गहिराइमा रहेको थियो। भूकम्पको केन्द्रबिन्दु (एपिसेन्टर) २४.९४० डिग्री उत्तरी अक्षांश र ९२.५६२ डिग्री पूर्वी देशान्तरमा रहेको जनाइएको छ।

भूकम्पको धक्का महसुस हुनासाथ मानिसहरू आत्तिएर घरबाट बाहिर निस्किएका थिए। राहतको कुरा, हालसम्म कुनै पनि प्रकारको मानवीय वा भौतिक क्षतिको खबर प्राप्त भएको छैन।

प्रशासनले अवस्थामाथि निरन्तर निगरानी गरिरहेको छ र सर्वसाधारणलाई सतर्क रहन आग्रह गरेको छ।

---------------

हिन्दुस्थान समाचार / भवानी थामी