नयाँ दिल्ली, 29 जून (हि.स.)। इण्डियन नेशनल कंग्रेसले अपरेशन ‘सिन्दूर’ मा शहीद भएका छ जना सैनिकको नाम १३ महिनापछि सार्वजनिक गरिएको विषयमा केन्द्र सरकार तथा राजनाथ सिंहमाथि प्रश्न उठाएको छ। कांग्रेसको पूर्वसैनिक विभागका अध्यक्ष कर्नेल रोहित चौधरीले रक्षा मन्त्रीले संसदमा गलत जानकारी दिएको तथा शहीद सैनिकहरूको उपेक्षा गरेको आरोप लगााए।

कांग्रेस मुख्यालयमा आयोजित पत्रकार सम्मेलनमा कर्नेल रोहित चौधरीले रक्षा मन्त्री राजनाथ सिंहले संसदमा अपरेशन ‘सिन्दूर’ मा कुनै पनि सैनिकको क्षति नभएको बताएका थिए, तर पछि सरकारले छ जना शहीद सैनिकहरूको नाम सार्वजनिक गरेको दाबी गरे। उनले शहीदहरूको नाम सार्वजनिक गर्न १३ महिनाको ढिलाइ हुनु राष्ट्रिय सुरक्षासँग खेलवाड भएको आरोप लगाउँदै रक्षा मन्त्रीको राजीनामा माग गरे। साथै उनले रक्षा मन्त्रीविरुद्ध विशेषाधिकार हनन प्रस्ताव दर्ता गरिने र सरकार तथा सत्तारुढ सांसदहरूले माफी माग्नुपर्ने बताए।

उनले अपरेशनका क्रममा सरकारले सेनालाई पूर्ण स्वतन्त्रता नदिएको तथा कमजोर विदेश नीतिका कारण पाकिस्तानले अन्तरराष्ट्रिय संस्थाहरूबाट ऋण प्राप्त गरेको र आतङ्कवादी संगठनहरूमाथि निगरानी गर्ने जिम्मेवारीसमेत पाएको आरोप लगाए। साथै उनले ‘अग्निवीर’ योजनालाई पनि खारेज गर्न माग गरे।

केन्द्र सरकारले अपरेशन ‘सिन्दूर’ का क्रममा शहीद भएका छ जना सैनिकको नाम नेशनल वार मेमोरियलको ‘रोल अफ अनर’ मा समावेश गरेको छ। अब ती नाम स्मारकको मुख्य भित्तामा रहेको ‘त्याग चक्र’ मा स्थायी रूपमा अंकित रहनेछन्। गत २६ जूनमा नयाँ दिल्लीस्थित स्मारकमा ती छ जना सैनिकका नाम अंकित गरिएको थियो, जो सन् २०२५ मा अपरेशन ‘सिन्दूर’ का क्रममा कर्तव्य पालन गर्ने क्रममा शहीद भएका थिए।

---------------

हिन्दुस्थान समाचार / भवानी थामी