चेन्नई, 29 जून (हि.स.)। तमिलनाडुको राजनीतिमा सोमबार एउटा महत्त्वपूर्ण घटनाक्रम अघि आएको छ। करुर विधानसभा निर्वाचन क्षेत्रका अन्ना द्रविड़ मुनेत्र कड़गम (अन्नाद्रमुक) विधायक तथा पूर्व मन्त्री एमआर विजयभास्करले आफ्नो विधायक पदबाट राजीनामा दिए। उनको राजीनामा विधानसभा अध्यक्ष जेसीडी प्रभाकरले स्वीकार गरेका छन्। यससँगै राज्य विधानसभामा खाली सिटको सङ्ख्या सात पुगेको छ।

सोमबार एमआर विजयभास्कर सचिवालय पुगे र विधानसभा अध्यक्षलाई आफ्नो राजीनामा बुझाए। अध्यक्षले निर्धारित प्रक्रियाअनुसार जाँच गरेपछि राजीनामा स्वीकार गरे।

विधानसभाको नियम-21 अनुसार विधायकले स्व-हस्ताक्षरित राजीनामा पेस गरेको अध्यक्षले जारी गरेको प्रेस विज्ञप्तीमा उल्लेख छ। नियम-22 अनुसार आवश्यक छानविनपछि स्वेच्छिक र वैधानिक भएको पाइएपछि राजीनामा स्वीकार गरिएको बताइएको छ।

एमआर विजयभास्करले राजीनामा दिनुअघि तमिलनाडु विधानसभामा 6 वटा सिट खाली थिए। उनको राजीनामापछि खाली सिटको सङ्ख्या सात पुगेको छ, जसले सम्भावित उपचुनाउका बारेमा राजनीतिक वृत्तमा गहन छलफल शुरु भएको छ।

हालैका महिनाहरूमा धेरै विधायकहरूको राजीनामा तमिलनाडुको राजनीतिमा चर्चाको विषय बनेको छ। मुख्यमन्त्री विजयले पेरम्बुर र तिरुचिरापल्ली (पूर्व) दुवै सिटबाट चुनाउ जितेपछि तिरुचिरापल्ली (पूर्व) विधानसभा सिटबाट राजीनामा दिएका थिए।

यसैगरी, अन्नाद्रमुकको टिकटमा निर्वाचित मरगथम कुमारवेल (मदुरांतकम), एस. जयकुमार (पेरुंदुरई) र पी. सत्यभामा (धारापुरम) ले 25 मईमा विधायक पदबाट राजीनामा दिएर तमिलगा वेत्री कड़गम (टीवीके) को सदस्यता ग्रहण लगरेका छन्। अंबासमुद्रमबाट विधायक इसक्की सुब्बैयाले 26 मईमा राजीनामा दिएर टीवीकेमा सामेल हुने घोषणा गरेका थिए।

यसवैगरी, रालिमलाईबाट विधायक एवं पूर्व मन्त्री सी. विजयभास्करले पनि 16 जूनमा राजीनामा दिएका थिए। राजनीतिक सूत्रहरुका अनुसार, उनी चाँडै टीवीकेमा सामेल हुने सम्भावना छ।

एमआर विजयभास्करको राजीनामापछि विधानसभामा एआईएडीएमकेका विधायकहरूको सङ्ख्या घटेर 41 पुगेको छ। राजीनामा दिने क्रमले राज्यको राजनीतिलाई नयाँ दिशा दिएको छ र सम्भावित राजनीतिक पुनर्गठन र आगामी उपचुनाउको बारेमा अनुमानलाई बढावा दिएको छ।

---------------

हिन्दुस्थान समाचार / भवानी थामी