गुवाहाटी, 14 जुलाई (हि.स.)। असमका मुख्यमन्त्री डा. हिमन्त बिस्व सरमाले मङ्गलवार प्रख्यात असमिया साहित्यकार नवकान्त बरुवाको पुण्यतिथिमा उनलाई भावपूर्ण श्रद्धाञ्जली अर्पण गर्दै असमिया भाषा, साहित्य एवं संस्कृतिप्रति उनको अमूल्य योगदानलाई स्मरण गरे।
मुख्यमन्त्रीले सोशल मीडियामा साझा सन्देशमा भने, बाल्यकालमा बाल साहित्यको माध्यमबाट नवकान्त बरूवाका रचनाहरूसित उनको परिचय भयो जुन समयक्रमसँगै गहिरो साहित्यिक अनुरागमा परिणत भयो। उनले भने, बाल साहित्य, कविता, उपन्यास औ गीतहरू सहित उनको प्रत्येक रचना असमिया साहित्य तथा संस्कृतिका अमूल्य धरोहर हुन्।
डा. सरमाले भने, नवकान्त बरुवाका कालजयी साहित्यिक कृति तथा गीतहरूले प्रत्येक पिँढ़ीलाई चिन्तन, संवेदना औ सृजनशीलताको प्रेरणा दिएका छन्। उनले विश्वास व्यक्त गरे, असमिया तथा साहित्यको आकाशमा उनको योगदान सदैव उज्जवल रहनेछ। उनले पुण्यतिथिमा महान साहित्यकारलाई विनम्र श्रद्धाञ्जली अर्पण गरे।
हिन्दुस्थान समाचार / उष्णता छेत्री शर्मा
14 Jul 2026