गान्तोक, 15 अगस्त (हि.स.)। मुख्यमन्त्री प्रेमसिंह तामाङले भारतको ८०औँ स्वतन्त्रता दिवसको अवसरमा सिक्किमवासी तथा सम्पूर्ण देशवासीलाई हार्दिक शुभकामना व्यक्त गरेका छन्।
मुख्यमन्त्रीले शनिबार बिहान सामाजिक सञ्जाल पोस्टमा जारी सन्देशमा देशको स्वतन्त्रताका लागि बलिदान दिने स्वतन्त्रता सेनानीहरूप्रति सम्मान व्यक्त गर्दै एकता, लोकतन्त्र र देशभक्तिको भावनालाई थप सुदृढ़ बनाउन आह्वान गरेका छन्।
उनले बलियो, समृद्ध र विकसित भारत निर्माणको यात्रामा सिक्किमले निरन्तर अर्थपूर्ण योगदान पुर्याउने विश्वास व्यक्त गरे। साथै, शान्तिपूर्ण, प्रगतिशील र समृद्ध सिक्किम निर्माणप्रतिको प्रतिबद्धता पुनः दोहोर्याउँदै राज्यको समृद्ध सांस्कृतिक विरासतलाई संरक्षण गर्दै उज्ज्वल भविष्यका लागि एकताबद्ध भएर अघि बढ्नुपर्नेमा जोड दिए।
मुख्यमन्त्री तामाङले स्वतन्त्रता दिवसले नागरिकहरूमा राष्ट्रिय एकता, आपसी सद्भाव र देशप्रतिको जिम्मेवारीको भावना अझ बलियो बनाउने विश्वास व्यक्त गरेका छन्।
---------------
हिन्दुस्थान समाचार / बिशाल
15 Aug 2026
