सिनसिनाटी, १८ अगस्त (हि.स.)। जर्मनीका अलेक्जेन्डर ज्वेरेवले सिनसिनाटी ओपनको चौथो चरणमा स्थान बनाएका छन्। ज्वेरेवले सोमबार भएको कडा प्रतिस्पर्धामा फ्रान्सका टेरेन्स अटमानेलाई ७-६(४), ७-६(८) ले पराजित गरे।

दोस्रो सेटको टाइब्रेकरमा ज्वेरेव ६-४ को अवस्थामा हुँदा उनीसँग दुईवटा म्याच प्वाइन्ट थियो। अटमानेले पहिलो म्याच प्वाइन्टमा उत्कृष्ट एस प्रहार गर्दै बचाए भने दोस्रोमा ज्वेरेवले डबल फाउल गरेपछि स्कोर ६-६ को बराबरीमा पुगेको थियो। तर २९ वर्षीय जर्मन खेलाडीले त्यसपछि लगातार दुई अंक जित्दै खेल आफ्नो पक्षमा पारे। उनले दुई घण्टा नौ मिनेटमा सोझो सेटमा जित हासिल गरे।

यसैबीच, १९ वर्षीय स्पेनी खेलाडी राफेल जोदारले आफ्नो उत्कृष्ट प्रदर्शनलाई निरन्तरता दिँदै अलेजान्द्रो टेबिलोलाई ६-२, ६-१ ले पराजित गरी राउन्ड अफ १६ मा प्रवेश गरेका छन्। जोदारले केवल ७५ मिनेटमा खेल जितेका हुन्।

उनी यस दशकमा सिनसिनाटीमा राउन्ड अफ १६ मा पुग्ने कार्लोस अल्काराज र बेन शेल्टनपछि तेस्रो किशोर खेलाडी बनेका छन्।

अब जोदारले विश्व वरीयतामा १०औँ स्थानमा रहेका फ्लाभियो कोबोलीको सामना गर्नेछन्।

कोबोलीले कडा प्रतिस्पर्धामा अलेक्जेन्डर ब्लोच्सलाई ७-५, ४-६, ७-५ ले पराजित गरेका थिए। निर्णायक सेटमा ३-५ ले पछाडि परेका इटालीका २४ वर्षीय खेलाडीले लगातार चार गेम जित्दै खेल आफ्नो पक्षमा पारे।

अर्को खेलमा फ्रान्सका आर्थर फिल्सले नवौँ वरीयताका जिरी लेहेकाेलाई ६-१, ६-७(७), ६-३ ले पराजित गर्दै ठूलो उलटफेर गरेका छन्।

दोस्रो सेटको टाइब्रेकरमा फिल्ससँग ७-६ को अवस्थामा म्याच प्वाइन्ट थियो। तर लेहेकाेले त्यसलाई बचाउँदै खेललाई निर्णायक सेटसम्म पुर्‍याए। फिल्सले दुई घण्टा एक मिनेटमा खेल जिते।

अब फिल्सले पाँचौँ वरीयताका एलेक्स डी मिनारसँग प्रतिस्पर्धा गर्नेछन्।

अष्ट्रेलियाली खेलाडी मिनारले वर्षाका कारण तीन पटक प्रभावित भएको खेलमा आर्थर फेरीलाई ७-५, ७-६(३) ले पराजित गरे।

दोस्रो सेटमा डे मिनार एक समय ५-१ ले अगाडि थिए। तर फेरीले लगातार छ गेम जित्दै ६-५ को अग्रता बनाए। दबाउका बीच डी मिनिरले धैर्य कायम राख्दै टाइब्रेकरमा उत्कृष्ट प्रदर्शन गरे र सोझो सेटमा खेल आफ्नो नाममा पारे।

हिन्दुस्थान समाचार / बिशाल