सिलगढ़ी, 18 अगस्त (हि.स.)। सिलगढ़ीको दक्षिण एकटियाशाल बजार संलग्न क्षेत्रमा मङ्गलवार सड़कको एक भागमा कथित रूपमा कब्जा गरेको कुरालाई लिएर स्थिति तनाउपूर्ण भयो। स्थानीय मानिसहरूले आरोप लगाए, निर्माणाधिन बहुतले भवनको मालिकले सड़कको एक भागलाई कब्जा गर्ने प्रयास गरिरहेको छ जसको विरोधमा स्थानीय मानिसहरूले ठूलो सङ्ख्यामा भेला भएर प्रदर्शन गरे। सूचना पाएर आशिघर चौकीको पुलिस घटनास्थलमा पुग्यो अनि निर्माण कार्यमाथि रोक लगाइदियो।

स्थानीय मानिसहरू अनुसार केही वर्षअघि सन्तोष गुप्ता नामक व्यक्तिले सम्बन्धित जमीन खरिद गरेका थिए। पछि त्यहाँ बहुतले भवन निर्माण गर्न शुरू गरियो। त्यो जमीन खरिद गर्नअघिदेखि नै लगभग 8 फुट चौड़ा सड़कको प्रयोग स्थानीयहरूले गर्दै आइरहेका छन्। अब बहुतले घरका मालिकले सड़कको केही भागलाई आफ्नो निजी जमीनको भाग बताइरहेको छ। मङ्गलवार बिहान कथित रूपमा सड़क खनन गरी त्यस भागलाई कब्जा गर्ने प्रयास गर्दा विवाद उत्पन्न भयो।

स्थानीय मानिसहरूको भनाइ छ, यदि सड़कको भाग नै बन्द गरियो भने क्षेत्रमा आगावमन पूर्ण रूपमा प्रभावित हुनेछ। यहाँसम्म कि आपत स्थितिमा गम्भीर समस्या हुनसक्छ। स्थानीय मानिसहरूले बहुतले भवनको नक्साको स्वीकृतिलाई लिएर पनि प्रश्न उठाएका छन्।

अर्कोतिर निर्माणाधिन बहुतले भवनका मालिक सन्तोष, गुप्ताले आरोपलाई भिन्न रूपमा पेश गर्दै भने, पछिल्लो सरकारको कार्यकालमा उनको जमीनबाट तीन फुटमाथि बलजफ्ती कब्जा गरेर सड़क बनाइएको थियो। त्यसबेला उनले यसको विरोध गर्न सकेका थिएनन्। उनले बताए, ममिला हाल अदालतमा विचाराधिन छ। सबै दस्तावेजहरूको आधारमा कानूनी फसेला नै अन्तिम हुनेछ। हाल प्रशासनले निर्माण कार्यलाई बन्द राख्ने निर्देश दिएको छ। जमीन र सड़कसित सम्बन्धित सबै दस्तावेजहरूको जाँच गरेपछि आवश्यक कारबाही गरिनेछ।

हिन्दुस्थान समाचार / उष्णता छेत्री शर्मा