काठमाडौं, २७ अगस्त (हि.स.)। नेपालमा भोटेकोशी नदीमा आएको भीषण बाढीपछि रसुवा जिल्लामा १७८ भारतीयसहित ५१७ विदेशी पर्यटक सम्पर्कविहीन भएका छन्। नेपाल पर्यटन बोर्डले बिहीबार दिउँसो १ बजीसम्मको विवरण सार्वजनिक गर्दै उक्त जानकारी दिएको हो।

पर्यटन बोर्डका अनुसार, सम्पर्कविहीन विदेशी पर्यटकमध्ये अमेरिकाका ६५, युक्रेनका ५३, मलेसियाका ५१, अस्ट्रेलियाका ३५, बेलायतका ३३ र क्यानडाका २५ जना छन्। त्यस्तै सिंगापुरका ९ तथा रूस र जर्मनीका ८-८ पर्यटक सम्पर्कविहीन छन्।

यसैगरी लाटभियाका ६, दक्षिण अफ्रिकाका ६, न्यूजिल्यान्डका ५, जापानका ५, फ्रान्सका ४ तथा स्पेनका ३ पर्यटकसँग पनि सम्पर्क हुन सकेको छैन। इटाली, आयरल्यान्ड, कजाकिस्तान, नेदरल्यान्ड्स र पोर्चुगलका २-२ जना तथा बेलारुस, बुल्गेरिया, फिनल्यान्ड, हंगेरी, इजरायल, लिथुआनिया, फिलिपिन्स, सर्बिया, स्विडेन र स्विट्जरल्यान्डका एक-एक पर्यटक सम्पर्कविहीन रहेको बोर्डले जनाएको छ।

बाढीका कारण १२७ जना नेपाली आन्तरिक पर्यटक पनि सम्पर्कविहीन भएको नेपाल पर्यटन बोर्डले जनाएको छ।

हिन्दुस्थान समाचार / बिशाल