गान्तोक, 28 अगस्त (हि.स.)। रक्षा बन्धनको पावन पर्वमा आज लोकभवनमा एक कार्यक्रम आयोजन गरियो। यस अवसरमा लोकभवन परिसरका बालिकाहरु, लोकभवनमा कार्यरत् आईटीबीपी महिलाकर्मी, रेमन्ती सङ्गीत अकादमीका विद्यार्थी तथा सफाइमित्र दिदी-बहिनीहरूले राज्यपाल ओम प्रकाश माथुरलाई राखी बाँधेर आफ्ना स्नेह र शुभकामना व्यक्त गरे।

राज्यपालले सबैलाई रक्षा बन्धनको हार्दिक शुभकामना दिँदै भने, “यो पर्व दिदीबहिनी-दाजुभाइको पवित्र सम्बन्धको प्रतीक हो र समाजमा प्रेम, विश्वास तथा एकताको भावनालाई अझ सशक्त बनाउँदछ।”

कार्यक्रममा लोकभवन अधिकारीगण, कर्मचारीगण र परिवारका सदस्य पनि उपस्थित रहेका थिए।

---------------

हिन्दुस्थान समाचार / बिशाल