गुवाहाटी, 31 अगस्त (हि.स.)। लागुऔषध तस्करी विरुद्ध एउटा ठूलो कारबाहीमा असमको कछार पुलिसले गाड़ीको गोप्य च्याम्बरबाट 80,000 याबा ट्याब्लेट जफत गरेको छ। जफत गरिएको प्रतिबन्धित पदार्थको अनुमानित मूल्य लगभग 16 करोड़ रुपियाँ रहेको बताइएको छ।

मुख्यमन्त्री डा. हिमांता विश्व सरमाले सोमवार सोशल मीडिया पोस्ट मार्फत यो कारबाहीको जानकारी दिएका छन्। घटनामा एक जना अभियुक्तलाई हिरासतमा लिइएको छ र पुलिसले यस विषयमा थप अनुसन्धान गरिरहेको छ, उनले भने।

मुख्यमन्त्रीले असम पुलिसको कार्यको प्रशंसा गर्दै लागुऔषधको यो ठूलो खेप सड़कहरूमा पुग्नुअघि नै रोकेको बताए। उनले यसलाई राज्यको लागुऔषध विरुद्ध अभियानमा महत्वपूर्ण सफलता भएको बताए।

अहिले पुलिसले याबा ट्याब्लेटको यो खेप कहाँबाट ल्याइएको थियो र कहाँ डेलिभर गर्नेथियो भन्ने पत्ता लगाउने प्रयास गरिरहेको छ।

हिन्दुस्थान समाचार / भवानी थामी