लखनऊ, 31 अगस्त (हि.स.)। उत्तर प्रदेशको राजधानी लखनऊको महिगवा पुलिस थाना क्षेत्रमा आइतवार राति केही व्यक्तिले एक युवकलाई छुरा प्रहार गरी घाइते बनाए। अस्पतालमा उपचार भइरहेको बेला उनको मृत्यु भयो। सूचना पाएपछि पुलिसले शवलाई कब्जा गरी पोस्टमार्टमका लागि पठाएको छ।

गणेशपुर गाउँका बासिन्दा सतीश यादव (25) हिजो राति गाउँ बाहिर निर्माणाधीन घरको छतमा सुतिरहेका थिए, पुलिस उपायुक्त (उत्तर) अमित कुमारले बताए। यसै क्रममा केही अज्ञात व्यक्तिहरूले सतीशलाई छुरीले आक्रमण गरी घाइते बनाएका थिए। आक्रमणमा उनी गम्भीर घाइते भएका थिए। आफ्नो ज्यान बचाएर केही टाढ़ासम्म भाग्ने क्रममा हल्ला गरेपछि आक्रमणकारीहरू घटनास्थलबाट भागे। यसैबीच गाउँलेहरूले सतीश यादवलाई उपचारका लागि केजीएमयूमा भर्ती गरे, जहाँ सोमवार बिहान उपचारका क्रममा उनको मृत्यु भयो। सूचना पाएपछि पुलिस घटनास्थलमा पुगेर शवलाई पोस्टमार्टमका लागि पठाइएको छ र घटनाको अनुसन्धान शुरु गरेको छ।

हिन्दुस्थान समाचार / भवानी थामी