गान्तोक, १९ सेप्टेम्बर (हि.स.)। सिक्किम क्रान्तिकारी मोर्चा सरकारको एक ध्वजवाहक कार्यक्रम सिक्किम गरीब आवास योजना (एसजीएवाई) अन्तर्गत घरहरूको निर्माण र हस्तान्तरण कार्यक्रम जारी रहेको छ। यसै क्रममा आज सालघारी-जूम निर्वाचन क्षेत्रमा २५ वटा नवनिर्मित एसजीएवाई घर उद्घाटनपछि लाभार्थी परिवारलाई हस्तान्तरण गरिएको छ।

क्षेत्र विधायक मदन सिन्चुरीले आज एक कार्यक्रमबीच नवनिर्मित एसजीएवाई घरहरूको उद्घाटनपछि लाभार्थी परिवारहरूलाई हस्तान्तरण गरेका छन्। जानकारी अनुसार, निर्वाचन क्षेत्रका जूम जीपीयूमा 8, माबोङ-सेगेङ जीपीयूमा 6, गेलिङ-बैगुने जीपीयूमा 5 तथा सामसिङ- पिपले जीपीयूमा 6 एसजीएवाई घर उद्घाटनपछि हस्तान्तरण गरिएको छ।

हिन्दुस्थान समाचार / बिशाल