नवादा, २३ सेप्टेम्बर (हि.स.)। झारखण्डबाट बिहार ल्याइँदै गरिएको विदेशी रक्सीको ठूलो खेप बिहार सीमा स्थित रजौली एकीकृत जाँच चौकीमा बुधवार उत्पादन शुल्क पुलिसले जफत गरेको छ।
यो कारबाही निरीक्षक अमृत कुमार गुप्ताको नेतृत्वमा गरिएको हो। विभागलाई विलासी गाड़ी मार्फत रक्सी तस्करी भइरहेको सूचना प्राप्त भएको थियो। त्यसपछि पुलिस टोलीले जेएच१०एजी–९१०० नम्बरको कार रोकेर तलासी लियो। गाड़ीबाट कल ४३२.३६० लिटर विदेशी रक्सी जफत भएको छ।जफत रक्सीमा विभिन्न कम्पनीका ब्रान्डहरू रहेका छन्।
विभागीय जानकारी अनुसार, विस्कीका ६०० बोतल, रोयल च्यालेन्जर्सका १९२ बोतल र जर्ज विलियम विस्कीका ९६० बोतल जफत भएका छन्। घटनास्थलबाट हजारीबाग निवासी २४ वर्षीय मिथुन कुमार कसेरालाई पक्राउ गरिएको छ।
उत्पादन शुल्क पुलिसले यस मामिलामा थप कानूनी कारबाही भइरहेको जनाएको छ। रजौली जाँच चौकीमा लगातार सवारीसाधनको जाँच गर्ने क्रममा रक्सी तस्करीका घटनामा कारबाही भइरहेको विभागले जनाएको छ।
हिन्दुस्थान समाचार / भवानी थामी
