झाड़ग्राम, 23 सेप्टेम्बर (हि.स.)। झाड़ग्राम जिल्लाको नयाँग्रामस्थित खड़िकामाथानी स्टेडियमको पछाड़ि बुधवार बिहान एउटा मृत हिरण भेटिएको घटनाले क्षेत्रमा खैलाबैला मचियो। स्थानीय मानिसहरूले स्टेडियम पछाड़ि हिरणलाई मृत अवस्था देखेपछि वन विभागलाई सूचित गरे।

सूचना पाएर नयाँग्राम रेञ्जका वनकर्मीहरूले घटनास्थलमा पुगेर मृत हिरणलाई कब्जामा लिई आफूसितै नयाँग्राम रेञ्ज कार्यालयमा लिएर गयो।

वन विभागको सूत्रानुसार हिरणको मृत्युको कारण अहिले स्पष्ट भएको छैन। हिरणको मृत्यु कसरी र कुन परिस्थितिमा भयो, यसको जाँच गरिँदैछ। आवश्यक जाँच अनि परीक्षण गरेपछि वास्तविक कारण खुलासा हुनेछ।

खड़िकामाथानी क्षेत्र जङ्गल संलग्न रहेको कारणले यहाँ प्रायजसो वन्यजीवहरूको उपस्थिति देखिन्छ। तथापि जनघनत्व भएको क्षेत्रमा स्टेडियम पछाड़ि मृत हिरण भेटिएको घटनाले स्थानीय मानिसहरूमा जिज्ञासा उत्पन्न भएको छ। वन विभागले घटनाको जाँच शुरू गरेको छ।

हिन्दुस्थान समाचार / उष्णता छेत्री शर्मा