नवादा, २८ सेप्टेम्बर (हि.स.)। जिल्लाको सिरदला थाना क्षेत्र अन्तर्गत लौंद बजारमा सोमवार चौकीदार प्रमोद कुमारमाथि कुटपिट गरी घाइते बनाइएको छ।
चौकीदार अनुसार, बाटोमा केही व्यक्ति मोटरसाइकल सहित उभिएका थिए। उनीहरूसँग सोधपुछ गर्दा सुनील कुमार, छोटेलाल राजवंशी सहित लगभग एक दर्जन व्यक्तिले उनलाई घेरा हालेर कुटपिट गर्नथाले।
प्रमोद कुमारले घटनाबारे तत्काल थानाध्यक्षलाई फोन मार्फत जानकारी गराए। सूचना पाएलगत्तै सिरदला पुलिसको डायल ११२ टोली र गस्ती वाहन घटनास्थल पुग्यो। पुलिसलाई देखेपछि केही व्यक्ति भागे। घटनास्थलबाट दुई जनालाई पक्राउ गरिएको छ। पुलिसले घटनास्थलबाट एउटा मोटरसाइकल पनि जफत गरेको छ। पक्रा परेका दुवै जनाको परीक्षण गर्दा उनीहरू रक्सी सेवन गरी मातेको पुष्टि भएको पुलिसले जनाएको छ।
पक्रा पर्नेमा नरहट थाना क्षेत्रको कोनिवर गाउँ निवासी गोरे राजवंशीको छोरा सुनील कुमार र गया जिल्लाको फतेहपुर थाना क्षेत्रको नगमा गाउँ निवासी मुसाफिर राजवंशीको छोरा छोटेलाल राजवंशी रहेका छन्।
थानाध्यक्ष विनय कुमार चौरसियाले सूचना प्राप्त हुनासाथ पुलिसले तत्काल कारबाही गर्दै घटनास्थल पुगेर दुवै आरोपीलाई पक्राउ गरेको बताए। दुवैलाई व्यवहार अदालतमा पेश गरिएको छ। घटनाबारे थप कारबाही जारी रहेको पुलिसले बताएको छ।
हिन्दुस्थान समाचार / भवानी थामी
