मुजफ्फरनगर, ०१ अक्टोबर (हि.स.)। उत्तर प्रदेशको मुजफ्फरनगर जिल्लामा बुधबार बिहान तीव्र गतिको एउटा कारले सडक छेउमा पार्क गरिएको ट्रकमा जोरदार ठक्कर हान्यो। यस दुर्घटनामा कारमा यात्रा गरिरहेका 6 जनाको मृत्यु भएको छ भने १ व्यक्ति घाइते भएको छ। मुख्यमन्त्री योगी आदित्यनाथले घटनाको जानकारी पाएपछि मृतकको शोक सन्तप्त परिवारप्रति आफ्नो संवेदना व्यक्त गरेका छन्। अधिकारीहरुलाई घटनास्थलमा पुगेर घाइतेको उचित उपचार सुनिश्चित गर्न निर्देशन दिइएको छ।
मुजफ्फरनगरका वरिष्ठ पुलिस अधीक्षक संजय कुमारले जानकारी दिएका अनुसार, हरियाणा राज्यको करनाल जिल्लाका फारिदपुर गाउँ बस्ने महेन्द्र जुनेजा केही दिनअघि निधन भएका थिए। उनका अस्थिहरू विसर्जनको लागि परिवारले हरिद्वार लैजाँदै थिए। मुजफ्फरनगर जिल्ला, थाना तितावी क्षेत्रस्थित पानीपत-खटीमा मार्गमा त्रिदेव होटल नजिक सडक किनारामा पार्क गरिएको ट्रकमा कार ठोक्किएको हो। यस दुर्घटनामा महेन्द्रको छोरा पियूष, महेन्द्रकी पत्नी मोहिनी, सुनीलकी पत्नी अञ्जु, राजेन्द्रकी पत्नी बिन्नी र कार चालक पानीपतका शिवाको मृत्यु भएको छ। महेन्द्रको अर्को छोरा हार्दिक घाइते भएका छन्। यी सबै हरियाणाका बासिन्दा हुन्।
घटनाबारे जिल्लाधिकारी (डीएम) र वरिष्ठ पुलिस अधीक्षक (एसएसपी)ले घटनास्थलको अनुगमन गरेका छन्। एसएसपीले जानकारी दिए अनुसार, बिहान करिब सात बजे परिवार कारमा अस्थि विसर्जनको लागि हरिद्वार जाँदै थिए। त्रिदेव होटल नजिक एउटा ट्रक पार्क गरिएको थियो, जसमा कार ठोक्किएको हो। प्रारम्भिक जानकारीअनुसार कारको टायर फुटेको थियो। ट्रक चालक फरार भएको बताइएको छ।
एसएसपीले भने, यस मामिलामा मुद्दा दर्ता गरी कारबाही भइरहेको छ। निश्चित रूपमा यो लापरवाहीको घटना हो। ढाबा सञ्चालकहरूले सडक किनारामा वाहन पार्क गर्न दिनु हुँदैन।
---------------
हिन्दुस्थान समाचार / भवानी थामी
01 Oct 2025
