सिलगढ़ी, 11 अक्टोबर (हि.स)। जलपाईगुड़ी जिल्लाको नागराकाटामा भएको हमलापछि मालदा उत्तरबाट भाजपा सांसद खगेन मुर्मूको सुरक्षालाई बढ़ाइएको छ। अबदेखि सांसदलाई 'वाई श्रेणी'- को सुरक्षा दिइनेछ। यस सम्बन्धमा शुक्रवार सीआईएसएफलाई निर्देश प्राप्त भएपछि शनिवार थप चार जना जवानहरू अस्पतालमा पुगे। अबदेखि खगेनको सुरक्षामा छह जना अर्धसैनिक बलका जवानहरू तैनाथ रहनेछन्। यसपूर्व सांसदको सुरक्षाको जिम्मेवारी दुई सीआईएसएफ जवानहरूसित थियो।

उल्लेखनीय छ, गत सोमवार बाढ़ी प्रभावित नागराकाटाका विभिन्न गाउँहरूको दौड़ा गर्ने क्रममा मालदा उत्तरबाट भाजपा सांसद खगेन मुर्मू अनि सिलगढ़ीका विधायक शंकर घोषणाथि हमला भएको थियो। खगेनको अनुहारमा चोट लागेको थियो। त्यसपछि उपचारको निम्ति उनलाई सिलगढ़ीको माटीगाड़ास्थित एक निजी अस्पतालमा लगियो जहाँ उनको उपचार भइरहेको छ। मेडिकल रिपोर्टमा बताइएको छ, सांसदको देब्रे आँखा मुनिको हड्डी भाँचिएको छ। उनलाई छह हप्ता आराम गर्ने सल्लाह दिइएको छ।

यसबीच सांसदमाथि भएको हमलालाई लिएर लोकसभा स्पीकर ओम बिरलाले राज्यका पुलिस महानिदेशक तथा मुख्य सचिवलाई रिपोर्ट मागेका छन्।

हिन्दुस्थान समाचार / उष्णता छेत्री शर्मा