बालोतरा (राजस्थान), 16 अक्टोबर (हि.स.)। बालोतरा जिल्लाको सिणधरी थाना क्षेत्रको सड़ा गाउँमा मेगा हाइवेमा भएको सडक दुर्घटनामा चार साथीको मृत्यु भएको छ भने एक युवकको अवस्था गंभीर छ। यो दुर्घटना बुधबार मध्यरात पछि करिब 1:30 बजे भएको थियो। दुर्घटना एक ट्रेलर र स्कर्पियोको ठक्करबाट भएको हो, जसपछि दुबै सवारी साधनमा आगो लागेको थियो।

प्रत्यक्षदर्शीहरूका अनुसार, स्थानीय मानिसहरूले आगोले घेरिएको स्कर्पियोमा सवार युवाहरूलाई बाहिर निकाल्ने प्रयासो गरे, तर सफल भएनन्। दुर्घटनाका कारण हाइवेमा करिब एक घण्टा जाम लागेको थियो। पुलिस र दमकल टोलीको आगमनपछि दुबै सवारी साधन हटाइयो र यातायात बहाल गरियो।

पुलिसका अनुसार, गुडामालानी (बाड़मेर) को डाबड़ गाउँका पाँच साथी कामका लागि सिणधरी गएका थिए र फर्किदा यो दुर्घटना भएको हो। मृतकको पहिचान मोहनसिंह (35), शम्भूसिंह (20), पांचाराम (22) र प्रकाश (28) को रूपमा भएको छ। स्कर्पियो चालक दिलीप सिंह गम्भीर रूपमा जलेका छन् र उनलाई अस्पतालमा भर्ना गरिएको छ। दुर्घटना उनीहरूको घरदेखि केवल 30 किलोमीटर टाडा भएको थियो।

प्रत्यक्षदर्शीका अनुसार, ट्रेलर चालकले आफ्नो जीवन जोखिममा राख्दै स्कर्पियो चालकलाई बाहिर निकाल्ने प्रयास गरे, जसमा उनी सफल भए। जलेका युवकलाई पहिला सिणधरी सामुदायिक स्वास्थ्य केन्द्र लगियो र त्यहाँबाट गम्भीर अवस्थामा जोधपुर रेफर गरियो।

जिल्ला कलेक्टर सुशील कुमार यादव, पुलिस अधीक्षक रमेश, अतिरिक्त जिल्ला कलेक्टर भुवनेश्वर सिंह चौहान, डिप्टी नीरज शर्मा, उपखण्ड अधिकारी समंदर सिंह भाटी, मुख्य जिल्ला चिकित्सा अधिकारी वाकाराम चौधरी सहित परिवहन अधिकारी र प्रशासनिक टोली घटनास्थलमा पुगे र अवस्था अवलोकन गरे। आरजीटी कम्पनी र नगर परिषदको फायर ब्रिगेडले निकै मेहनतपश्चात् आगो

नियन्त्रणमा ल्यायो।

हिन्दुस्थान समाचार / भवानी थामी