इम्फाल, 16 अक्टोबर (हि.स.)। हिंसाग्रस्त मणिपुरमा पुलिस एवं सुरक्षाबलहरूको तलाशी अभियान लगातार जारी छ। यही क्रममा अलग-अलग संगठनहरूका पाँच क्याडरलाई पक्राउ गरिएको छ। पुलिसले आऱोपीहरूसित सघन सोधपुछ जारी राखेको छ।

मणिपुर पुलिसले बिहिवार आधिकारिक बयानमा बताएको छ, गए बुधवार सुरक्षाबलहरूले इम्फाल पूर्व जिल्लाको एंड्रो थानान्तर्गत नगारियान पहाड़को तलहटीबाट इम्फाल पूर्व जिल्लाको हुइकाप गाउँको पीआरईपीएकेका 02 सक्रिय कार्यकर्ताहरूलाई पक्राउ गऱ्यो। जसको पहिचान लैटोनजम लकी सिंह (32) र सोरैशाम अथोई सिंह (42) को रूपमा गरिएको छ। उनीहरूदेखि दुई मोबाइल फोन जफत गरिएको छ।

सोही दिन सुरक्षाबलहरूले केसीपी (पीडब्ल्यूजी) को एक सक्रिय कार्यकर्ता, मोहम्मद इमरान खान उर्फ लींगकपा (20) निवासी कैरांग चिंग्या अवांग लेइकाई, इम्फाल पूर्व जिल्लालाई उसको आवासबाट पक्राउ गऱ्यो। जबकि गए मंगलवार पुलिसले इम्फाल पश्चिम जिल्लाको सिंगजामेई थानान्तर्गत हाओबाम मारक लौरेम्बम लेइकाई क्षेत्रबाट यूएनएलएफ (पी) का 02 सक्रिय कार्यकर्ताहरूलाई पक्राउ गऱ्यो। जसको पहिचान बिष्णुपुर जिल्लाको नारानसेना ममांग लेइकाई निवासी लेइशांगथेम शिंघाजीत मैतेई (22) र बिष्णुपुर जिल्लाको थिनुंगेई मयाई लेइकाई निवासी सोरोखाइबाम दयानंद सिंह उर्फ नगनबा (28) को रूपमा गरिएको छ। यिनीहरू इम्फाल पश्चिम जिल्लाको हाओबाम मारक लौरेम्बम लेइकाई क्षेत्रका निवासीहरूलाई धम्काउनमा सामेल थिए। उनीहरूदेखि म्याग्जिन सहित एक 9 मिमी पेस्तोल, दुई मोबाइल फोन जफत गरियो।

अर्कोतिर, सुरक्षाबलले विभिन्न जिल्लाहरको सीमान्त र संवेदनशील क्षेत्रहरूमा तलाशी अभियान र क्षेत्र नियन्त्रण जारी राखेको छ। राष्ट्रिय राजमार्ग-37 मा आवश्यक वस्तुहरू लोड गरिएको 130 वाहनहरूको आवाजाही सुनिश्चित गरिएको छ। सबै संवेदनशील स्थानहरूमा कड़ा सुरक्षा उपाय गरिएको छ र वाहनहरूको स्वतन्त्र र सुरक्षित आवाजाही सुनिश्चित गर्न संवेदनशील क्षेत्रहरूमा सुरक्षा लश्कर तैनाथ गरिएको छ। मणिपुरका विभिन्न जिल्लाहरूमा, पहाड़ी र घाटी दुवै क्षेत्रहरूमा कूल 115 नाका स्थापित गरिएको थियो, यद्यपि, कसैलाई पनि हिरासतमा लिइएन।

हिन्दुस्थान समाचार / भवानी थामी