कटरा, ०८ अक्टोबर (हि.स.)। प्रतिकूल मौसमका कारण तीन दिनदेखि रोकिएको वैष्णो देवी यात्रा आज पुनः सुरु भएको छ। त्रिकुटा पर्वत क्षेत्रमा परेको भारी वर्षा र पैह्रोको सम्भावनाका कारण सुरक्षा उपायस्वरूप यात्रा रोकिएको थियो। मौसममा सुधार आएपछि अधिकारीहरूले आवश्यक सबै सुरक्षा उपाय सुनिश्चित गर्दै भक्तजनहरूका लागि यात्रा मार्ग पुनः खोलिदिएका छन्। श्राइन बोर्डका अधिकारीहरूले जनाएका छन् कि यात्रा अब सुचारु रूपमा सञ्चालनमा आएको छ र तीर्थयात्रीहरूलाई भवनतर्फ अघि बढ्न अनुमति दिइएको छ। अधिकारीहरूले भक्तजनहरूलाई आधिकारिक माध्यमहरूबाट अद्यावधिक जानकारी लिन र यात्राको क्रममा सुरक्षा सम्बन्धी सल्लाहहरू पालना गर्न अनुरोध गरेका छन्। श्राइन बोर्डले जारी गरेको आधिकारिक वक्तव्यअनुसार, भारतीय मौसम विभागको पूर्वानुमानका कारण वैष्णो देवी यात्रा ५ देखि ७ अक्टोबर २०२५ सम्म स्थगित गरिएको थियो र ८ अक्टोबरदेखि पुनः सुरु गरिएको हो।

---------------

हिन्दुस्थान समाचार / भवानी थामी