गान्तोक, 15 नोभेम्बर (हि.स.)। अरुणाचल प्रदेशका मुख्यमन्त्री पेमा खाण्डुले शनिवार बिहान मुख्यमन्त्री प्रेमसिंह तामाङलाई राजधानीको मिन्तोकगाङस्थित उनको सरकारी निवासमा भेट गरे। यस भेटको क्रममा मुख्यमन्त्री खाण्डुले मुख्यमन्त्री तामाङको स्वास्थ्यबारे जानकारी लिए।
मुख्यमन्त्री खाण्डु गान्तोकमा चलिरहेको 13औं इन्टरनेशनल टुरिज्म मार्टमा भाग लिन सिक्किम आएका हुन्। आफ्नो व्यस्त कार्यक्रमबीच आफुलाई भेट्न आएकोमा मुख्यमन्त्री तामाङले कृतज्ञता व्यक्त गरे।
मुख्यमन्त्री कार्यालयले भनेको छ, मुख्यमन्त्रीले खाण्डुको चिन्ताप्रति प्रशंसा व्यक्त गरे। यसले दुई नेताहरूबीचको मित्रताको बलियो बन्धनलाई प्रतिबिम्बित गर्दछ। मुख्यमन्त्री खाण्डुले चलिरहेको अन्तरराष्ट्रिय पर्यटन मार्टप्रति आफ्नो प्रशंसा व्यक्त गरे र यसलाई पूर्वोत्तरमा पर्यटन प्रवर्द्धनको लागि एक महत्वपूर्ण कार्यक्रम बताए। उनले सिक्किमका जनताले दिएको न्यानो आतिथ्यको लागि पनि कृतज्ञता व्यक्त गरे, जसले उनमा स्थायी छाप छोडेको बताए।
दुई नेताहरूले आ-आफ्नो राज्य र वृहत्तर पूर्वोत्तर क्षेत्रको भविष्यको विकासको बारेमा रचनात्मक छलफल गरे। उनीहरूले क्षेत्रीय विकासको लागि साझा दृष्टिकोण साझा गरे र विकासलाई अगाडि बढ़ाउन र सबैको लागि उज्ज्वल भविष्य सुनिश्चित गर्न केन्द्रसँगको सहकार्यको महत्त्वमा जोड दिए।
हिन्दुस्थान समाचार / बिशाल
