गान्तोक, 21 नोभेम्बर (हि.स.)। सतर्कता सम्बन्धी चौथो क्षमता अभिवृद्धि कार्यशाला केन्द्रिय सतर्कता आयोग (सीभीसी) र भारत सरकारको शिक्षा मन्त्रालयले सिक्किम विश्वविद्यालयको सहकार्यमा २१ नोभेम्बर, २०२५ मा गान्तोक, सिक्किममा सफलतापूर्वक आयोजन गरेको छ।
यो कार्यक्रमको उद्देश्य सतर्कता जागरूकतालाई मजबुत पार्नु, संस्थागत अखण्डता बढाउनु र उच्च शिक्षा संस्थानहरूमा पारदर्शी शासन प्रवर्द्धन गर्नु थियो। उक्त जानकारी आज पीआईबीले दिएको छ।
कार्यशालामा उपकुलपति (प्रभारी) प्रो. अभिजित दत्ता र सिक्किम विश्वविद्यालयका रजिस्ट्रार (प्रभारी) प्रो. लक्ष्मण शर्मा उपस्थित थिए, जसले पहलको प्रशंसा गर्नुका साथै शैक्षिक संस्थानहरूमा नैतिक शासनको महत्त्वमाथि प्रकाश पारे।
कार्यशालामा सम विश्वविद्यालय, तेजपुर विश्वविद्यालय, विश्वभारती, गुरु घासीदास केन्द्रीय विश्वविद्यालय, डा. एचएसजी विश्वविद्यालय, मिजोरम विश्वविद्यालय, ओडिशा केन्द्रिय विश्वविद्यालय, एनआईटीटीटीआर कोलकाता, एनआईटीटीआर चण्डीगढ़, एनआईटी सिक्किम, एनआईटी जमशेदपुर, एनआईटी अरुणाचल प्रदेश, एनआईटी मिजोरम, एमएनआईटी जयपुर, आईआईटी भुवनेश्वर, आईआईटी गुवाहाटी, एनईआरआईएसटी अरुणाचल प्रदेश, आईआईएम शिलङ, आईआईएसईआर बरहमपुर, आईआईआईटी गुवाहाटी, आईसीएचआर र राजीव गान्धी विश्वविद्यालय, अरुणाचल प्रदेश लगायत विभिन्न संस्थानहरूको सहभागिता रहेको थियो।
सत्रहरू केन्द्रिय सतर्कता आयोगका प्रख्यात स्रोतवक्ताहरूद्वारा सञ्चालन गरिएको थियो। सीभीसीकी निर्देशक मधु शर्माले सतर्कता कोण र अभियोजनका लागि दण्डहरूमा जोड दिँदै सीभीसीको भूमिका र कार्य, सीभीसी ऐन र सतर्कता प्रशासनमा नीतिगत दिशानिर्देशहरूमा विस्तृत व्याख्यान दिइन्। केन्द्रिय सतर्कता आयोगका प्राविधिक परीक्षक प्रदीप खटानाले खरिद, जीएफआर, एसओपी र केस-आधारित विमर्शहरूमा अन्तरक्रियात्मक सत्रको नेतृत्व गरे।
कार्यशाला एक आकर्षक प्रतिक्रिया सत्रको साथ समाप्त भयो, जसले नैतिक अभ्यासहरू कायम राख्न र सतर्कता संयन्त्रहरूलाई बलियो बनाउन संस्थाहरूको प्रतिबद्धतालाई सुदृढ़ पाऱ्यो।
हिन्दुस्थान समाचार / बिशाल
22 Nov 2025