नयाँ दिल्ली, 26 दिसम्बर (हि.स.)। भारतको प्रमुख स्वायत्त क्लाउड इन्फ्रास्ट्रक्चर औ प्लेटफर्म सर्भिसेज- योत्ता डेटा सर्भिसेजले शुक्रवार गुरु गोबिन्द सिंह इन्द्रप्रस्थ विश्वविद्यालय (आईपीयू)-सित एक सम्झौता ज्ञापन (एमओयू)-मा हस्ताक्षर गऱ्यो। डेटा सर्भिसेजका सह-संस्थापक तथा सीईओ सुनिल गुप्ताले भने, यस सम्झौताको उद्देश्य भारतको उच्च शिक्षा प्रणालीको लागि एक एआई-सक्षम शिक्षा वितरण मोडल विकसित गर्नु हो। योत्ताको इन्फ्रास्ट्रक्चर, सर्भिर्स औ प्लेटफर्म समर्थनबाट आईपीयूसित सम्बद्ध 125 भन्दा अधिक कलेजहरूका 2 लाखभन्दा अधिक विद्यार्थीहरूलाई कुनै प्रकारको लागत बिनै 350 भन्दा अधिक एआई-सक्षम शैक्षिक पाठ्यक्रम प्रदान गरिनेछ।

सुनिल गुप्ताले भने, हामी शिक्षालाई अधिक व्यक्तिगत औ प्रभावकारी बनाउनको लागि प्रतिबद्ध छौं साथै विश्वविद्यालयलाई अधिक कुशलताले संचालन गर्नमा मद्दत गरिरहेका छौं। यो भारतको राष्ट्रिय शिक्षा नीति अनि डिजीटल इण्डिया दृष्टिकोण अन्तर्गत छ।

आईपीयूका कुलपति डा. महेश वर्माले भने, एआई प्लेटफर्मले एआईसीटीई संस्थानका विद्यार्थीहरूको लागि एउटा मुख्य गेटवेको रूपमा काम गर्नेछ भने योत्ताको सहयोगमा एक शिक्षण-शिक्षण संग्रहालय स्थापना गर्ने योजना बनाइरहेको छ जसबाट देशका एक हजारभन्दा अधिक विश्वविद्यालयहरूले सामग्री प्राप्त गर्न सक्नेछन्।

हिन्दुस्थान समाचार / उष्णता छेत्री शर्मा