कानपुर, 27 दिसम्बर (हि.स.)। उत्तर प्रदेशमा जिल्ला कानपुर नगरको बिल्हौर थाना क्षेत्र अन्तर्गत सिक्योरिटी गार्डको साथी गार्डीले छात्तीमा गोली दागेर हत्या गऱ्यो।

शुक्रवार अबेर राति अपराध गरेपछि अभियुक्त घटनास्थलबाट iभाग्यो। दुई जनाबीच आगोमा दाउरा राख्ने विषयमा विवाद भयो, त्यसपछि कुटपिट भयो र पछि रिसाएको व्यक्तिले गोली दाग्यो। पुलिसले घटनास्थलमा पुगेर शवलाई पोस्टमार्टमको लागि पठाएको छ र हत्याराको खोजी भइरहेको छ।

घटना गदरपुर आहार गाउँमा भएको हो, जहाँ औरंगपुर सम्भी गाउँका निवासी निर्मल सिंह चन्देल उर्फ नीरज (45) खेतीपातिका साथै निर्माणाधीन महर्षि योगी कृषि विश्वविद्यालयमा सुरक्षा गार्डको रूपमा काम गर्थे। आफ्ना साथी गार्डहरूसँग आगो तापिरहेको थियो।

यसैबीच, अर्का सुरक्षा गार्ड अनिरुद्ध द्विवेदी र निर्मल सिंहबीच आगोमा दाउरा राख्ने विषयमा विवाद भयो। परिस्थिति कुटपिटसम्म पुग्यो, तब अचानक आरोपीले आफ्नो लाइसेन्स प्राप्त दुई नालको बन्दूकले निर्मलको छात्तीमा गोली दाग्यो। त्यहाँ उपस्थित मानिसहरूले अभियुक्तलाई पक्रन खोजे तर उ जंगलतिर भाग्यो। घाइतेलाई सामुदायिक स्वास्थ्य केन्द्रमा लगियो, जहाँ डाक्टरहरूले उनलाई मृत घोषित गरे। पुलिसले शव पोस्टमार्टमको लागि पठाएको छ।

बिल्हौर थाना प्रभारी अशोक कुमार सरोजले परिवारको उजुरीको आधारमा आरोपी विरुद्ध हत्याको मुद्दा दर्ता गरिएको बताए। आरोपीलाई चाँड़ै नै पक्राउ गरी जेल पठाइनेछ।

हिन्दुस्थान समाचार / भवानी थामी