नयाँ दिल्ली, 30 मई (हि.स.)। प्रधानमन्त्री नरेन्द्र मोदीले शुक्रवार बिहानको काराकाटमा आयोजित जनसभामा देशको सुरक्षा, बिहारको विकास र पछिल्ला सरकारको नीतिहरूमाथि खोल्लिएर हमला गरे। आतङ्कवाद र नक्सलवाद विरूद्ध सरकारको निर्णायक रणनीतिको उल्लेख गर्दै उनले भने, आतङ्कवाद विरूद्ध भारतको लड़ाई रोकिनेछैन। यदि आतङ्कले फेरि शिर उठाए, भारतले त्यसलाई फेरि कुल्चिनेछ।

प्रधानमन्त्रीले भने, कसरी नक्सल प्रभावित क्षेत्रहरूमा शान्ति फर्किरहेको छ, यसको साक्षी बिहारवासीहरू हुन्। पहिले जुन गाउँहरूमा स्कूलहरूलाई जलाइँथ्यो, सड़क बनाउनेहरूको हत्या गरिँथ्यो, आज त्यहाँ सड़क पनि छ, अस्पताल पनि छ र मोबाइल टावर पनि खड़ा छ। विकसित भारतको निम्ति बिहार विकसित हुनु उनले अनिवार्य बताए। उनले भने, 2014 मा जब एनडीए सरकार केन्द्रको सत्तामा आएको थियो तब भारतमा 125 नक्सल प्रभावित जिल्ला थिए, अब यिनीहरूको संख्या घटेर केवल 18 रहेको छ।

प्रधानमन्त्रीले विपक्षी दलहरूमाथि सोझो हमला गर्दै भने, जसले दशकौंसम्म बिहारका दलितहरू, पछौटे र गरीबहरूलाई शौचालय, ब्याङ्क खाता र छप्पर जस्ता बुनियादी आवश्यकताहरूदेखि वञ्चित राख्यो, उनीहरूले आज सामाजिक न्यायको कुरा गरिरहेका छन्। उनले कांग्रेस र आरजेडीमाथि हमला गर्दै भने, यी दलहरूले केवल भोटब्याङ्कको राजनीति गरे, जबकि एनडीए सरकारले सबै खाँचो परेकाहरूसम्म सुविधाहरू पुऱ्यायो।

उनले भने, पटना एयरपोर्टको नयाँ टर्मिनलको लोकार्पण गरिएको छ, जसले अब सालाना एक करोड़ यात्रीलाई सम्हाल्न सक्नेछ। बिहटा एयरपोर्टमाथि पनि 1,400 करोड़ रूपियाँको निवेश गरिँदैछ। बिहारको मखाना किसानहरूका लागि मखाना बोर्डको स्थापना र जीआई ट्यागको सुविधालाई पनि उनले सरकारको ठूलो उपलब्धी बताए।

हिन्दुस्थान समाचार / भवानी थामी