गान्तोक, 12 जून (हि.स)। मुख्यमन्त्री प्रेमसिंह तामाङले अहमदाबाद, गुजरातमा आज भएको एयर इण्डियाको विमान दुर्घटनाप्रति गहिरो दु:ख प्रकट गर्दै यस दुःखद घटनाबाट प्रभावित परिवार र समुदायप्रति ऐक्यबद्धता व्यक्त गरेका छन्।

मुख्यमन्त्रीले आज सामाजिक सञ्जाल फेसबुक पोस्टमा भने, 'अहमदाबाद नजिकै भएको एयर इण्डियाको विमान एआई171 को दु:खद दुर्घटनाबाट म अत्यन्त दुःखी छु। प्रभावित सबैका परिवार र प्रियजनहरूप्रति मेरो हार्दिक समवेदना छ। यो विनाशकारी घटनाले हामीलाई स्तब्ध बनाएको छ। हाम्रो समवेदना पीडितहरू र घटनास्थलमा अथक प्रयास गरिरहेका आपतकालीन प्रतिक्रियाकर्ताहरूसँग छ।'

मुख्यमन्त्री तामाङले यस त्रासदीबाट प्रभावित परिवार र समुदायहरूसँग शोक र ऐक्यबद्धतामा उभिएका छौं भनी बताएका छन्।

हिन्दुस्थान समाचार / बिशाल