कोलकाता, 14 जून (हि.स.)। बंगालमा पछिल्लो 78 वर्षदेखिको राष्ट्रबोध औ सनातन संस्कृतिको भावनालाई सशक्त बनाइरहेको बंगला साप्ताहिक पत्रिका 'स्वस्तिका' अब हिन्दी पाठकहरूको लागि उपलब्ध हुनेछ। आगामी 15 अगस्त, 2025-देखि यो पत्रिका हिन्दीमा मासिक संस्करणको रूपमा प्रकाशित गरिनेछ जुन पश्चिम बंगाल राज्यभरि नै वितरण हुनेछ।
यस महत्वपूर्ण निर्णयको घोषणा संघको शतवर्ष पूर्तिको अवसरमा कोलकाता स्थित स्वस्तिका कार्यालयमा आयोजित बैठकमा गरियो। बैठकमा 'स्वस्तिका'- का पूर्व सम्पादक विजय आढ्य, वर्तमान सम्पादक तिलक रञ्जन बेरा, वरिष्ठ पत्रकार सारदा प्रसाद पाल (जयन्त दा), डा. आनन्द पाण्डेय, सुकेश चन्द्र मण्डल, घनश्याम चौरसिया, सम्राट शील, अंशुमान गांगुली औ अजीत कुमार भगत उपस्थित थिए।
बैठकमा यो तय गरियो, हिन्दी मासिक ‘स्वस्तिका’- को कार्यभार डा. आनन्द पाण्डेयले सम्हाल्नेछन् जबकि विकास सिंह र जीवन सिंहले सम्पादकीय टीममा सहयोगीको भूमिका निर्वाह गर्नेछन्।
हिन्दी संस्करणको प्रकाशन कोलकाताको 27, विधान सरणी (कोलकाता-6) स्थित कार्यालयबाटै हुनेछ जुन पहिलाबाटै स्वस्तिकाको मुख्य कार्यालय हो।
स्वस्तिकाको यो नयाँ कदम हिन्दी भाषी पाठकहरूलाई जोड़्ने दिशामा एउटा ठूलो प्रयास मात्र नभेर बंगालको सांस्कृतिक चेतनालाई देशका व्यापक पाठकवर्गसम्म पुऱ्याउने माध्यम पनि बन्नेछ।
हिन्दुस्थान समाचार / उष्णता छेत्री शर्मा
