कांकेर, 20 जून (हि.स.)। छत्तीसगढको कांकेर जिल्लाको आमाटोला र कलपर गाउँबीचको जङ्गल पहाडी क्षेत्रमा भएको भिडन्तमा एक महिला नक्सलीको मृत्यु भएको छ। उनको शव बरामद गरिएको छ।
बस्तरका आईजी सुन्दरराज पी. ले भिडन्तको पुष्टि गरेका छन्। उनले छोटेबेठिया पुलिस थाना अन्तर्गत आमाटोला र कलपर गाउँ बीचको जङ्गल पहाडी क्षेत्रमा गोलीबारी चलिरहेको जानकारी गराए। उनले भने, एक महिला नक्सलीको मृत्यु भएको छ। अभियान पूरा भएपछि विस्तृत जानकारी जारी गरिनेछ। उक्त क्षेत्रमा नक्सलीहरूको उपस्थितिको सूचना पाएपछि डीआरजी र बीएसएफको संयुक्त पुलिस टोली खोजीका लागि निस्किएको थियो।
उल्लेखनीय छ, हालै आन्ध्र प्रदेशको सुकमा जिल्लाको सीमावर्ती क्षेत्रमा रहेको मारडेपल्लीको जङ्गलमा नक्सली र ग्रेहाउण्ड्स फोर्सबीच मुठभेड भएको थियो। सैनिकहरूले एक ठूलो नक्सली कार्यकर्तासहित तीन नक्सलीहरूलाई मारेका थिए। यस मुठभेडमा नक्सली कमाण्डर गाजरला उर्फ उदय र गरियाबन्दमा मारिएका खतरनाक नक्सली चलपतिकी पत्नी वीआरएल चैतन्य उर्फ अरुणालाई सैनिकहरूले मारेका थिए।
हिन्दुस्थान समाचार / भवानी थामी
14 Dec 2025
