नयाँ दिल्ली, 22 जून (हि.स.)। बाहिरी उत्तरी जिल्लाको शाहबाद डेयरी हत्याकाण्डमा दिल्ली पुलिसको क्राइम ब्राञ्चलाई ठूलो सफलता प्राप्त भएको छ। हत्यामा सामेल तथा लगभग 12 महिनादेखि भगौड़ा आरोपी रहमान खान उपनाम जुबेरलाई पुलिसले उत्तर प्रदेशको हरदोई जिल्लाबाट पक्राउ गरेको छ। पुलिस अनुसार जुबेर वर्ष 2024-मा शाहबाद डेयरी क्षेत्रमा भएको एक जना युवकको हत्यामा सामेल थियो।
क्राइम ब्राञ्चका डीसीपी हर्ष इन्दौराले बताए, 30 जून, 2024- को राति लगभग 10:15 बजी 28 वर्षीय सनी, निवासी शाहबाद डेयरीलाई परिवारले अस्पतालमा ल्याएको थियो जहाँ डाक्टरहरूले उसलाई मृत घोषित गरिदिए। उसको शरीरभरि चक्कुको निशान थियो विशेष तल्लो भागमा गम्भीर प्रहार गरिएको थियो। यस मामिलामा थाना शाहबाद डेयरीमा मुद्दा दर्ता गरियो।
डीसीपी अनुसार जाँचमा थाहा लाग्यो कि सनीको झगड़ा अजय उपनाम मोदी नामक युवकसित भएको थियो। उसैले आफ्नो साथी गुड्डु, डड्डू, चेतन, दीपक उपनाम दीपु, रोशन, प्रकाश, सागर र रहमान उपनाम जुबेरसित मिलेर सनीको हत्या गरेको थियो। घटनापछि जुबेर भागेको थियो। त्यसपछि मामिलाको जाँचको जिम्मा क्राइम ब्राञ्चको टीमलाई सुम्पिइएको थियो।
डीसीपी अनुसार तकनिकी निगरानी र गुप्त तन्त्रको सहयोगमा पुलिसलाई थाहा लाग्यो, जुबेर हरदोई (उप्र)-मा लुकेर बसेको छ। पुलिस टीमले शाहजहाँपुर रोड, नेक्सन कलोनी मार्ग नजिकै छापा मारेर आरोपीलाई समात्यो। पक्राउपछि जाँचबुझमा जुबेरले बतायो, सनी र अजयबीच पहिलाबाट शत्रुता थियो। घटना घटेको दिन सबै आरोपीहरू एकै ठाउँमा थिए, यसै अवधि बाटोमा सनीलाई भेटियो। पहिला झगड़ा भयो, त्यसपछि अजयले थप्पड़ लगायो अनि सबैले मिलेर सनीलाई कुटियो। पछि अजयले चक्कु निकालेर सनीमाथि हमला गऱ्यो।
हिन्दुस्थान समाचार / उष्णता छेत्री शर्मा
