इन्दौर, 09 जून (हि.स.)। विवाहपछि हनिमुनका लागि मेघालय गएका इन्दौरका यातायात व्यवसायी राजा रघुवंशीको उनकी श्रीमती सोनमले हत्या गराएकी थिइन्। पुलिसले सोनमलाई उत्तर प्रदेशको गाजीपुरको एक ढाबाबाट पक्राउ गरेको छ। उनी बाहेक तीन जना आक्रमणकारी पनि पक्रा परेका छन्। यो कुरा मेघालयका मुख्यमन्त्री कोनराड सांगमाले एक्स पोस्टमा पुष्टि गरेका हुन्।

मेघालयका मुख्यमन्त्री कोनराड सांगमाले आज बिहान एक्स पोस्टमा भने, मेघालय पुलिसले राजा हत्या प्रकरणमा सात दिनभित्र ठूलो सफलता हासिल गरेको छ। मध्य प्रदेशका बासिन्दा तीन आक्रमणकारीलाई पक्राउ गरिएको छ। ती महिलाले आत्मसमर्पण गरेकी छिन् र अर्को आक्रमणकारीलाई पक्रने अभियान अझै जारी छ।

उल्लेखनीय छ, राजा र सोनम रघुवंशीको विवाह 11 मईमा इन्दौरमा भएको थियो। उनीहरू 20 मईमा आफ्नो हनिमूनको लागि निस्के। उनीहरू दुवै जना इन्दौरबाट बेङ्गलुरु हुँदै गुवाहाटी पुगे, जहाँ माता कामाख्याको दर्शन गरेपछि 23 मईमा मेघालयको शिलङ गए। शुरुमा परिवारले दुवैसँग कुरा गरिरहे, त्यसपछि सम्पर्क टुटेको थियो।

राजाका दाजु सचिन रघुवंशीले शुरुमा नेटवर्क समस्या भएको होला भन्ने सोचेका थिए, तर 24 मईदेखि दुवैको मोबाइल फोन बन्द भएपछि उनी चिन्तित हुन थाले। धेरै प्रयास गर्दा पनि सम्पर्क स्थापित हुन नसकेपछि सोनमका भाई गोविन्द र राजाका भाई विपिन शिलोङ पुगे। यसपछि उनी खोजी टोलीमा सामेल भए।

23 मईमा बेपत्ता भएका दम्पती मध्ये राजा रघुवंशीको शव 2 जूनमा मेघालयको पूर्वी खासी हिल्स जिल्लाको सोहरा क्षेत्रमा रहेको झरना नजिकै फेला परेको थियो। सोनम 17 दिनदेखि हराइरहेकी थिइन्। आइतवार राति करिब 2 बजी सोनम गाजीपुरको एउटा ढाबामा पुगेको र त्यहाँबाट उनले आफ्नो भाई गोविन्दलाई फोन गरेको बताइएको छ।

गोविन्दले गाजीपुरबाट आफ्नो परिचितलाई त्यहाँ पठाए। यसपछि उसले सोनमसँग फोनमा कुरा गर्न लगायो। तर, सोनम कसरी गाजीपुर पुगिन् भन्ने कुरा अझै स्पष्ट भएको छैन। अब पुलिसले सोनमलाई चाँडै इन्दौर ल्याउन सक्छ।

हिन्दुस्थान समाचार / भवानी थामी