गान्तोक, 16 जुलाई (हि.स.)। भारतीय जनता पार्टी (भाजपा) सिक्किममा प्रमुख सामाजिक कार्यकर्ता सुन्दर बस्नेत र अधिवक्ता मन बहादुर कार्की सामेल भएका छन्। सामाजिक कार्यकर्ता बस्नेत तिमी नामफिङ र अधिवक्ता कार्की याङगाङ निर्वाचन क्षेत्र निवासी हुन्। प्रदेश अध्यक्ष डीआर थापाले आज उनी दुवैलाई पार्टीमा स्वागत जनाए।
भाजपा सिक्किमले प्रधानमन्त्री नरेन्द्र मोदीको दूरदर्शी नेतृत्व र गतिशील राज्य नेतृत्वबाट प्रेरित भएर उनीहरूले पार्टीको विचारधारामा आफ्नो विश्वास व्यक्त गरेको आज विज्ञप्तिमा बताएको छ। नयाँ सदस्यहरूले क्षेत्रीय दलहरूप्रति आफ्नो असन्तुष्टि व्यक्त गर्दै विगत पाँच दशकमा प्रशस्त अवसरहरू हुँदाहुँदै पनि अर्थपूर्ण विकास गर्न असफल भएको ठहर गरेका छन्।
प्रदेश अध्यक्ष थापाले नयाँ सदस्यहरूलाई सिक्किमका जनताको कल्याणप्रति समर्पणका साथ काम गर्न र राज्यमा पार्टीको उपस्थितिलाई सुदृढ गर्दै संगठनमा युवा सहभागितालाई प्रवर्द्धन गर्न आह्वान गरे।
हिन्दुस्थान समाचार / बिशाल
16 Jul 2025
