इम्फाल, 01 अगस्त (हि.स.)। मणिपुर पुलिसले बितेको 24 घण्टाभित्रमा संचालित अभियान अवधि चारजना उग्रवादीहरूलाई पक्राउ गरेको छ। पक्रा पर्ने आरोपीहरूमा एकजना स्वयम्भु सेना प्रमुख र दुईजना बलजफ्ती असुलीमा सामेल उग्रवादीहरू सामेल छन्।
पुलिस प्रवक्ताले बिहीवार बतायो, बिष्णुपुर जिल्लाको फुबाला प्याटन क्षेत्रबाट केसीपी (नोंगद्रेनखोम्बा) संगठनका स्वयम्भु सेना प्रमुख मोइरांगथेम बिरमणि मैतेई (46)-लाई पक्राउ गरियो जो झोपड़ी बस्तीमा बस्दै आइरहेका थिए। पुलिसले उसको कब्जाबाट मोबाइल फोन र सिम कार्ड जफ्त गऱ्यो।
सोही दिन अर्को अभियानमा इम्फाल ईस्टको खुरई चैरंथोंग क्षेत्रबाट प्रेपाक (पीआरओ) संगठनका सक्रिय सदस्य टेलेम नाओबा सिंह (29)-लाई हिरासतमा लियो। पुलिसले उसको कब्जाबाट मोबाइल फोन जफ्त गऱ्यो।
यसरी नै थौबल जिल्लाको सलुंगफाम बजारमा संचालित अभियानमा केवाईकेएलका दुईजना क्याडरहरूलाई पक्राउ गरियो जसमा किशम विल्सन सिंह (18) र थोखचोम सनाथोई मैतेई (22)-लाई पक्राउ गरियो जो आम मानिसहरूबाट बलजफ्ती असुलीमा लिप्त थिए।
यस अवधि पुलिसले एउटा 9 एमएम पेस्तोल, एउटा ह्याण्ड ग्रेनेड, तीनवटा जिउँदो कारतूस, पाँच हजार रुपियाँ नगद र दुईवटा मोबाइल फोन सहित सिम कार्ड जफ्त गऱ्यो। पुलिस अनुसार दुवै आरोपी लामो समयदेखिकै बलजफ्ती असुलीमा संलिप्त थिए। चारैजना आरोपीहरूलाई हिरासतमा लिइएको छ।
हिन्दुस्थान समाचार / उष्णता छेत्री शर्मा