नयाँ दिल्ली, 12 अगस्त (हि.स.)। बिहारमा मतदाता सूचीको विशेष हन पुनरीक्षण (एसआईआर) तथा कथित भोट चोरीको आरोपलाई लिएर मंगलवार युवा कंग्रेसले चुनाउ आयोगको मुख्यालय तर्फ मार्च गर्ने प्रयास गऱ्यो। युवा कंग्रेसका कार्यकर्ताहरू आफ्नो मुख्यालयदेखि चुनाउ आयोगको मुख्यालयतर्फ बढ़्न अगावै सुरक्षा बलहरूले कार्यालयको दुवै तर्फ ब्यारिकेडिंग गरेर उनीहरूलाई रोके। यसको विरोधमा युवा कंग्रेसका पदाधिकारी तथा कार्यकर्ताहरूले लगभग एक घण्टासम्म व्यापक नाराबाजी गरे अनि ब्यारिकेडिंगसम्म मार्च गरे।
यो विरोध प्रदर्शन अपरान्ह लगभग 12 बजेदेखि शुरू भएको थियो। तर पुलिसले प्रदर्शनलाई अधिक समयसम्म चल्न दिएन, लगभग एक बजे सबै प्रमुख पदाधिकारी तथा कार्यकर्ताहरूलाई हिरासतमा लिइयो। उनीहरूलाई दुई वटा बसमा भरेर घटनास्थलबाट लगियो। प्रदर्शनकारीहरूले आरोप लगाए, एसआईआरको माध्यमबाट सुनियोजित ढंगमा मतदाताहरूको नाम हटाइँदैछ ताकि चुनाउमा गड़बड़ी गर्न सकियोस्।
उ
हिन्दुस्थान समाचार / उष्णता छेत्री शर्मा
13 Aug 2025
