बेङ्गलोर, 10 सेप्टेम्बर (हि.स.)। कर्नाटकको बीदर पशु चिकित्सा एवं मत्स्य विज्ञान विश्वविद्यालयमा कथित भ्रष्टाचारहरूको आरोपहरूको सम्बन्धमा लोकायुक्त अधिकारीहरूले राज्यमा 69 ठाउँमा एकसाथ छापा मारेका छन्।

विश्विद्यालयका अधिकारीहरू र कर्मचारीहरूको घर र कार्यालयहरूमा छापा मारियो। भ्रष्टाचारको आरोपहरूलाई लिएर बीदर लोकायुक्त कार्यालयमा शिकायत दर्ता गराइएको थियो। य़ो शिकायत बेङ्गलुरूको वेंकट रेड्डी नाम गरेको व्यक्तिले दर्ता गराएका थिए। साल 2021 मा विश्वविद्यालयमा कार्यरत अधिकारीहरू र कर्मचारीहरूको घर र कार्यालयहरूमा दस्तावेजहरूको जाँच गरिएको छ।

राज्यभरिमा 69 स्थानमा खोजी अभियान चलाइएको छ, जसमा बीदर जिल्लामा 24, बेङ्गलुरुमा 31, कोप्पलमा 2, चिकमंगलूर जिल्लामा 2 स्थानका साथै हसन, रामनगर, कोलार र उडुपीमा गरिएको छापामारी सामेल छ।

शिकायतमा उल्लेख गरिएको छ कि 04 अक्टोबर 2021 मा 35 करोड़ रूपियाँको घोटाला भयो। यस सम्बन्धमा लोकायुक्तद्वारा गरिएको जाँचमा 22 करोड़ रूपियाँको घोटाला भएको पाइयो।

छापामारी लोकायुक्त एडीजीपी मनीष खरबीकरको निगरानीमा गरियो र दस्तावेजहरूको सत्यापन जारी छ।

हिन्दुस्थान समाचार / भवानी थामी