गान्तोक, 19 सेप्टेम्बर (हि.स.)। नाम्ची सिङ्गीथाङ निर्वाचन क्षेत्रका विधायक एवं डीएसीएसका चेयरमेन सतिशचन्द्र राईकी धर्मपत्नी बिनुमाया शर्माको निधन भएको छ। मुख्यमन्त्री प्रेमसिंह तामाङले श्रीमती शर्माको निधनमा गहिरो दु:ख व्यक्त गरेका छन्।

मुख्यमन्त्रीले आज सामाजिक सञ्जाल फेसबुक पोस्टमा विधायक सतिशचन्द्र राईकी धर्मपत्नी बिनुमाया शर्माको निधन भएको जानकारी गराउॅंदै गहिरो दु:ख व्यक्त गरेका छन्। उनले यस गहिरो शोकको घडीमा शोकसन्तप्त परिवार र आफन्तजनप्रति हार्दिक समवेदना प्रकट गरेका छन्। उनले दिवंगत आत्माको चिर शान्ति र यस कठिन समयमा परिवारजनलाई ईश्वरले शक्ति र धैर्य प्रदान गरून् भनी कामना गरेका छन्।

हिन्दुस्थान समाचार / बिशाल