कोलकाता, 26 सेप्टेम्बर (हि.स.)। कलकत्ता उच्च न्यायालयले बीरभूमकी गर्भवती सोनाली बीबीलाई बांग्लादेश पठाउने केन्द्र सरकारको फसेललाई खारेज गरिदिएको छ। अदालतले सोनालीलाई उनकी पति र 8 वर्षीय छोरासॅंग चार हप्ताभित्र भारत फिर्ता ल्याउन स्पष्ट निर्देश दिएको छ। केन्द्रले यस आदेशलाई स्थगित गर्ने माग गरेको थियो, तर अदालतले उक्त याचिका पनि अस्वीकार गरेको छ।

सोनाली बीबीलाई उनको परिवारसहित बांग्लादेशी नागरिक बताएर जून महिनामा दिल्ली पुलिसले पक्राउ गरेको थियो। यसपछि, उनी र अन्य जनालाई बांग्लादेश पठाइएको थियो, जहॉं चपाइनवाबगंज जिल्लामा पुलिसले उनलाई हिरासतमा लिएको थियो। यस घटनापछि मामिला उच्चतम न्यायालयसम्म पुग्यो, जसले उच्च न्यायालयलाई शीघ्र सुनवाई गर्न निर्देश दिएको थियो।

शुक्रवार न्यायमूर्ति तपोब्रत चक्रवर्ती र न्यायमूर्ति ऋत्व्रत कुमार मित्राको डिभिजन बेन्चले सुनवाई गर्दै सोनाली र उनको परिवारलाई बांग्लादेश पठाउने निर्णय गलत थियो भनी बतायो। अदालतले केन्द्रलाई तत्काल कारबाही गर्दै उनीहरूलाई फिर्ता ल्याउन आदेश दिएको छ।

सोनाली मूलरूपमा बीरभूम जिल्लाको पाइकर निवासी हुन्। उनी लामो समयदेखि पति दानिश शेख र 8 वर्षीय छोरासॅंग दिल्लीको रोहिणी सेक्टर 26 मा बस्दै आएकी थिइन्। सोनालीले लगभग 20 वर्षदेखि राजधानीमा मैला उठाउने र घरेलू कामकाज गरेर परिवारको पालन पोषण गरिरहेकी थिइन्। सोनालीका वकीलहरूले अदालतमा जमीनको दस्तावेज, बुबा र बाजेको मतदाता पहिचान पत्र र छोराको जन्म प्रमाणपत्र पेश गरेर उनको परिवार बांग्लादेशी होइन, तर भारतीय हो भन्ने प्रमाणित गरे।

हिन्दुस्थान समाचार / भवानी थामी