गुवाहाटी, 27 सेप्टेम्बर (हि.स.)। आज पञ्चमी हो। यस वर्ष गुवाहाटीका प्रमुख पूजा पण्डालहरूलाई विशेष थीममा सजाइँदैछ। दुर्गा पूजा पण्डाल आफ्नो भव्य सजावट, सांस्कृतिक कार्यक्रमहरूको लागि प्रसिद्ध छ।

उल्लेखनीय छ, राजधानीको पाण्डुस्थित कामाख्या नगरको दुर्गापूजाले यस वर्ष 31औं वर्षमा प्रवेश गरिरहेको छ। स्वाभाविक रूपमा अन्य वर्षहरूको तुलनामा यस वर्षको पूजालाई अझ बढी भव्य र आकर्षक बनाउने तयारीमा समस्त क्षेत्रवासी पहिलाबाटै जुटिसकेका छन्।

पछिल्लो केही वर्षदेखिको आयोजनले सफलतापूर्वक पहिचान बनाएर पाण्डु-मालीगाउँ क्षेत्रको कामाख्या नगर दुर्गापूजा समितिलाई गुवाहाटी महानगरको एक प्रमुख ऐतिहासिक पूजा समितिको रूपमा मान्यता प्राप्त भएको छ। यस वर्ष पनि यसको अपवाद हुनेछैन।

संगठनका सचिव विजय सिन्हा, कार्तिक सरकार र गौतम चौधरीले बताए, यसपालि पूजाको शुभ उद्घाटन पञ्चमी तथा विसर्जन दशमीको दिन हुनेछ। पञ्चमीको दिन मातृ प्रतिमाको अनावरण गुवाहाटीको उलुबाड़ीस्थित रामकृष्ण मिशनका महाराजले गर्नेछन्। प्रतिवर्ष झै यसपालि पनि महाष्टमीको दिन पूर्वोत्तरका प्रसिद्ध क्विज मास्टर अभ्र दासको संचालनमा ओपन क्विज़ प्रतियोगिता आयोजना हुनेछ जुन आकर्षणको मुख्य केन्द्र हुनेछ।

कामाख्या नगरको पूजाको अर्को विशेषता यो पनि छ, यहाँको मण्डप एवं अन्य सबै सामग्री पर्यावरण अनुकूल साधनहरूद्वारा तयार गरिँदैछ। समितिका सदस्यहरू अनुसार अन्य वर्ष झैं यस वर्ष पनि सप्तमी, अष्टमी र नवमीको दिन अपरान्हको भोजनको आयोजन हुनेछ जसमा प्रतिदिन हजारौं मानिसहरूले महाप्रसाद ग्रहण गर्नेछन्।

हिन्दुस्थान समाचार / उष्णता छेत्री शर्मा